明星靚相大分享☆

黃長興投資數十萬元開法國餐廳，由內到外都一手包辦，深信親力親為才可成功。日前，他更不惜拋低老闆身份，與員工一起並肩作戰，而女友Peggy亦如「老闆娘」般落手落腳，可能太忙碌，長興與女友都明顯清減了。

黃長興榮升法國餐廳老闆，與女友Peggy齊齊落場打點，甚有默契。

黃長興之前被不少負面新聞困擾，怕會影響形象，不過，他以實際行動闢謠，將多年來辛苦賺來的積蓄，於天后開了一間法國餐廳，實行靠自己努力搵錢，成功之路似乎已達到了一半。

儼如老闆娘

本報記者日前午飯時間親自到長興的餐廳，但見全場「爆滿」，不少OL都要於門外等位。之前，長興為餐廳開業，不論聘請廚師、侍應、訂貨及裝修等都自己一手包辦，當天亦都一樣，只見他不時周圍忙於招呼客人，除了遞餐牌介紹菜式，更不時詢問客人的意見。期間，他更幫忙執碟、抹枱，絕對沒有擺出老闆款，而其「正印」女友Peggy亦如「老闆娘」般，於餐廳內忙個不停。

黃長興連侍應都做埋，為客人捧餐。

黃長興在餐廳門口整理餐牌。

未想開分店

記者致電給長興，他亦不諱言開店至今，已瘦了七磅之多，他謂：「真係瘦咗好多，啲時間好難遷就，有時忙到都冇時間食飯，不過我係一個好投入工作嘅人，辛苦啲都唔緊要，最緊要做出成績。」長興坦言現時若不用拍劇，每朝十時便會返餐廳，說到女友Peggy都比之前清減了，他笑言：「係呀！佢都瘦咗少少，咁咪仲好，fit啲嘛！」說到餐廳生意佳，會否打算開分店時，他說：「我係處女座，會追求完美，開分店遲啲先算啦！」

黃長興凡事親力親為，細心地招呼客人。

執拾餐枱，動作快捷。