唐唐向來低調，今年 7月 1日佢出席好友陳潔靈丈夫喪禮，係最近期的一次公開露面， 51歲唐唐保養甚佳，一樣咁靚仔。《蘋果日報》圖片
真面目
香港守寡　唐唐泰國放縱
2009年09月16日
上週六（ 12日）哥哥張國榮 53歲生忌，大班好友到加多利山生前住所，陪住全日匿在家中的哥哥密友唐鶴德（唐唐）。
哥哥離世六年，各地粉絲依然懷念偶像，大搞紀念活動，但對於唐唐六年來只得一個人在香港「守寡」獨撐至今，身邊仍未有伴。據知唐唐向好友透露，唔打算再搵密友，仲話：「壓力太大喇！」獨力撐寂寞，唐唐為減壓一得閒就相約同好飛到泰國，「揼骨」減壓。
搵人減輕痛失至愛壓力，點都好過屈埋喺心咁傷！
上週六的加多利山異常熱鬧， Miss Chan Chan陳潔靈、哥哥生前經理人陳淑芬和前助手 Kenneth前後腳帶齊鮮花、果籃同麻雀枱到哥哥的加多利山住所，與唐唐一齊在麻雀聲中度過張國榮的 53歲生忌。各人面對在場守候的記者採訪，均未有回應，而「男主人」唐唐更全日匿在家，直到翌日，唐唐在晚上約 7時才冒着大雨駕車外出。


12/9︰粉絲有心
哥哥生忌正日，不少 fans到加多利山住所送鮮花，仲有近 400名不同地方 fans為偶像於旺角帝京酒店開冥壽會。


 
13/9︰雨中外出
傳媒喺哥哥生忌當日守候唐唐，未見其人，翌晚佢則坐波 Jeep並揀最大雨先外出，以便避開傳媒。

死守加多利山
哥哥離世六年，對身為另一半的唐唐打擊相當大，幸得身邊好友開解才可重過新生，表面好似已經接受咗哥哥逝世事實，不過據知 51歲唐唐，仍不時向友人自責冇睇實哥哥。「 Daffy（唐唐）成日自責當日冇睇實哥哥，唔應該畀佢一個人去文華，如果佢睇實，阿仔（哥哥）未必會死！佢係到咗近年先放鬆番啲咋！」其身邊友人透露。自哥哥死後，好友們俱提議唐唐搬離加多利山寓所，甚至叫他搬到加拿大過新生活，但多年來唐唐堅持住在月租 12萬加多利山，懷緬與哥哥相處日子，間中只與友人打羽毛球，甚少踏出家門。「佢話唔怕觸景傷情，反而搬開仲唔捨得！」
其實哥哥同唐唐愛得大膽、愛得轟烈， 97年哥哥大膽在紅館對 fans公開同唐生關係，並送上〈為你鍾情〉畀唐唐，令外界嘩然。哥哥離世至今，不少人亦關心唐唐會否再找另一半，不過據知唐唐曾向友人透露，自己壓力大唔想再覓知己。「好多朋友都好關心 Daffy，希望佢搵番個伴，不過佢次次都話：『唔啦，壓力太大。』究竟乜嘢壓力，我哋唔敢再問落去，惟有尊重佢嘅決定囉。」


當年今日
03年哥哥去世時，至愛嘅唐唐傷心過度，要兩名助手攙扶，可見有幾愛哥哥。


 
助手 Kenneth
做過哥哥助手嘅 Kenneth，曾表示多謝哥哥提攜， 6年後今日仍出席有關聚會，都算哥哥當年冇揀錯人。


 
司機阿康
哥哥生前最愛約好友打麻雀，一眾好友帶埋麻雀枱同唐唐一齊攻四方城，邊打邊悼念好友。

男師傅鬆一鬆
本身做渣打銀行財務部高層的唐唐，十多年前已辭去正職，專心為哥哥投資物業，唐唐一直唔憂做，有傳他在哥哥的 4億遺產中，承繼了 2億元，而今年 7月他就以 4千 5百萬買下大潭豪宅雅柏苑。唔搵個伴，但亦有減壓需要，唐唐年中梗會相約友人到泰國 relax。「哥哥在生好鍾意去泰國玩，唐唐都跟埋去，經常幫襯曼谷一間高級男性會所，搵男按摩師按摩，泰國有乜窿路都熟晒。唐唐家一得閒都會約埋班 friend去泰國玩，去到泰國就成個開心晒，都未必唔係好事吖！」哥哥 fans唔使擔心啦！


雀友撐住
哥哥喺文華東方酒店臨死前曾與陳淑芬（前經理人）見面，並傾心事，上週六陳帶埋玫瑰花到哥哥住所懷念好友。


 
同樣係喪偶嘅 Miss Chan Chan（陳潔靈）就比唐唐硬淨得多，一個月即收拾心情，替 TVB做《超級巨聲》評判，見到傳媒仲識笑。


 
藝人大忌公開戀情， 01年哥哥當街拖實唐唐，為咗另一半有個名分，戀情唔怕曝光，劉德華學嘢啦！《忽然 1周》圖片

點解泰國咁好玩
哥哥生前最愛去泰國 relax， 00年就被傳媒拍到佢同唐唐等 13猛男到泰國賀生日，游水、食飯、按摩直落， man's party有幾好玩，女人唔會明 o架啦！


13猛男賀壽
'00︰ 00年哥哥 44歲生日，搵齊 13壯男飛到泰國曼谷開 party賀生日，而至愛嘅唐唐就為哥哥打點好一切，好體貼。


 
千萬別墅
令唐唐樂而忘返嘅泰國，除咗有哥哥嘅回憶，仲因為哥哥曾經豪花千萬在泰國清邁買別墅氹唐唐，不過現已轉賣。


 
搽油曬太陽
開完 party，即時歎吓泰國日光浴，唐唐則踢拖陪哥哥吹水做跟得唐唐。


 
死後照飛
'05︰ 05年聖誕節，傳媒拍到唐唐與一眾友人去泰國度假，死後照飛，雖然唐唐仍面帶憂傷，不過總比出殯時要人攙扶冇咁傷。


 
件件大隻
唐唐喺泰國經常幫襯，曼谷 Sukhumvit「 Hero」男性高級會所，除咗有得食仲有得 relax，按摩師仲係大隻男，男客人可透過「金魚缸」揀按摩師，場內亦有桑拿及休息室。普通收 1,000泰銖（約$250港元）；而全身按摩則 2,000泰銖（約$400港元）。

娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 過期 週刊 及 雜誌(4-6月刊)★ 過期 週刊 及 雜誌(6月-8月刊)★ 過期 週刊 及 雜誌(4-9月刊)☆

採訪、撰文：娛樂組
攝影：娛樂突發組
部分圖片提供：《壹週刊》

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄