明星靚相大分享☆

人氣 o靚模周秀娜（ Chrissie）月前推出噴血寫真及性感攬枕橫掃書展及動漫展，爭議勁、迴響大之餘，更迷得電車男暈陀陀，原來她反轉暑假後依然有貨賣。其經理人公司已落實再斬四両，於聖誕節推出印有 Chrissie攞你命造型的枕頭套、床單及被袋，以及僅用肥皂泡遮重要部位的刷牙、洗頭、冲凉三部曲 1:1浴簾。娜姐登堂入室，陪完冲凉又陪瞓，繼續強攻宅男部屋。

其他娛樂名人影片

o靚模兵團在剛過去的暑假推出寫真正面交鋒，結果 24歲的周秀娜一枝獨秀跑贏九條街，據其經理人公司報稱， Chrissie的寫真集售出約 31,000本，最具爭議性的性感攬枕則賣出約 6,000個，證明她有價有市，難怪她食住條水搶錢，挾攬枕餘威再攻第二波，鐵定在聖誕節推出床上及浴室用品，讓電車男夜夜念奴嬌。

放大圖片

周秀娜人氣有升無跌，新搞作是讓 fans用 iPhone下載其寫真。

放大圖片

早前推出性感造型攬枕大賣的周秀娜，食住條水再出浴室及床上用品。資料圖片

「唔可以迎合全部人」

榮升新一代性感 icon的 Chrissie，早前在寫真中除了三點式大放送，任賞 32D、 23、 32噴血身材外，刷牙刷到成胸泡的誘惑照片更成熱話。儘管外界批評聲音此起彼落，不過 Chrissie繼續懶理，年底推出的產品硬銷「宅男閂埋房門就有 Chrissie在身邊」，產品包括 1:1浴簾，簾上印有僅以肥皂泡遮掩重要部位的 Chrissie刷牙、洗頭和冲凉造型；另外又推出有其性感肖像的枕頭套、床單及被袋。 Chrissie先陪冲凉再陪瞓覺，夠晒貼身兼賣點十足。Chrissie上次推出攬枕寫真雖然大賣但遭狂插，今次她再下一城仍毋懼非議，前晚她在將軍澳接受訪問時說：「我冇諗咁多，唔驚嘅， just for fun，下下都退後就行唔到向前。個個人諗嘢唔同，我唔做都有好多人做。我唔覺得出呢啲產品有問題，我由始至終都講係畀鍾意我嘅人去買去揀，唔鍾意嘅對我嚟講亦冇所謂。」不少人曾狠批 Chrissie敗壞社會風氣，教壞細路，她卻氣定神閒地說：「能夠做到全世界都鍾意嘅人最好啦，但幾叻嘅人都做唔到，咁點解唔堅持自己想做嘅嘢？我唔可以迎合全部人 o架，到家都仲有人鍾意同支持我，已經足夠啦。」宅男恩物在聖誕節正式出街前， Chrissie一樣有嘢 sell，就是殺入 iPhone世界。未來兩個月內， fans可以用 iPhone下載其寫真集，實行在 iPhone寫真小宇宙中與日本人氣女模道端 Jessica及矢野未希子睇齊。 Chrissie說：「我係 iPhone用家，又喺電話度睇到自己，覺得好得意，我都會 download自己嘅寫真集。」

「我唔識乜嘢係底線」

Chrissie近日接 job冇停手，漫遊手機世界後又跳上大銀幕，下月開拍羅守耀的 3D鬼片《怪嬰》（暫名）， 6位數字片酬袋袋平安。片中她飾演佔有慾極強的第三者角色，介入飾演夫婦的黎諾懿和呂慧儀之間，最後更害死呂慧儀腹中塊肉，令呂含寃自殺。問 Chrissie會否擔心角色不討好？她說：「套戲唔係單單講呢樣嘢，主角係個 BB，自己亦乜都要試吓。」她又笑言暫時未知與黎諾懿是否有親熱戲，她說：「我唔識乜嘢係底線，要睇導演點拍，蜻蜓點水得嚟有 power都 OK嘅。」採訪：葉雪攝影：葉君海

娜姐出城之 o靚壇教祖三點不露迷暈電車男

放大圖片

等身浴簾教冲凉

放大圖片

性感寢具陪住瞓

娛樂資料庫：賣攬枕袋 300萬 放大圖片

書展女王周秀娜早前在動漫節推出性感肖像攬枕大賣，今個聖誕將再接再厲推出浴簾等產品。其實肖像攬枕條橋明抄日本水着偶像，但在香港仍造成前所未有的哄動，攬枕開賣當日更出現奇景：一名只得 13歲的少年，拿着幾乎比他還高的周秀娜攬枕在人潮中悄悄現身（圖），並揚言攬枕乃買來自用，不許他人觸碰。縱使周秀娜的攬枕被一眾學者及道德派狂轟，但銷情顯然全無影響，據知現已售出 6,000個，銷售額逾 300萬。

話你知：血肉長城 o靚模戰

21世紀 o靚模持久戰已在月前的動漫節後告終，大部份 o靚模在剎那光輝後連影都冇埋，只有少數幾人得以死守娛樂圈肥田。無論如何， o靚模早已 out到出晒界，惟以潮模及模 Art自居方能苟延殘喘。資料來源：《蘋果》資料室

In

放大圖片

周秀娜（ Chrissie）日前登上東京時裝騷舞台，與 o靚模鼻祖打過招呼，又正式簽約日本經理人，稍後將推出寫真，強攻日本電車男。

放大圖片

文詠珊（ Janice Man）獲老闆黎明力捧之餘，更有黎明嫂、名模樂基兒撐腰，人氣及聲價全線飆升。

放大圖片

楊穎（ Angelababy）代表香港出戰東京時裝騷，前後換了 5套衫出場，與 o靚模始祖藤井 Lena平起平坐，各不相讓。

放大圖片

鍾蕙芝（ Lavina）大部份 o靚模人氣稍升即嚷着封胸，肯捱肯博的 Lavina卻毫無此意，相信到天氣冷到不能再露時，她的曝光率才會下跌。

Out

放大圖片

趙碩之（ Wylie）早前因衰多口寸師妹 Yumi遭公司雪藏，至昨日才正式解封，即時穿起低胸裝拿着毛主席像左舞右弄，搖旗振聲勢。

放大圖片

胡心諾（ Rainbow）早前在街頭性感宣傳也無人問津，引證 o靚無百日紅。適逢新學期開始，她也透露返夜校，誓要完成會考云云。

放大圖片

羅凱珊（ Kama）撻着富家公子袁紹恒（ Terry）後叠埋心水想收山唔撈，怎料拍拖半個月便分手，如意算盤打錯晒。

放大圖片

尹蓁晞（ Yumi）因被拍得與男子在公園親熱再往時鐘酒店一條龍直落，惹來援交疑雲，自此被公司踢入雪櫃的她，如今應該雪到手腳都硬晒。

周秀娜的低胸刷牙寫真曾惹起爭議，甚懂乘勢追擊的她落實於聖誕節推出刷牙浴簾。

周秀娜（Chrissie）「升呢」上位愈戰愈勇，她最開心是甩掉「A貨樂基兒」的稱號，又說不羨慕強勢闖日的「宿敵」Angelababy，她野心勃勃地要做日版「模Art」！

Chrissie模戰後突圍而出，工作、新聞接踵而來，經連串「寫真戰」、「人肉咕」惡評及「日本騷狙擊」的洗禮，即時成熟起來，對已「升呢」的她確實有辣有唔辣。

Angelababy

周秀娜不會視Angelababy為目標。

A. Lin

冇白費心機

她說：「我諗最開心係甩咗『A貨樂基兒』嘅稱號，終於有人真正認得我，公司幫我宣傳工作冇白費到。由拍寫真到計劃出咕，我都有參與同畀意見，例如寫真擺咩pose同着咩衫都係有商有量，只係想畀人認識我。當多咗人識之後，新聞接住嚟，可能有人畀啲負面報道先入為主，唔可能客觀了解件事同我，我有唔開心，後來諗深一層自己都盡晒力，再諗都冇意思，只係唔想影響到屋企人。」

唔羨慕Baby

繼東京TGC時裝騷後，Chrissie揚言要開闢日本市場，惟「宿敵」Angelababy比她行得更快更見成績，她會否視Baby為對手及目標？Chrissie斬釘截鐵說：「我唔羨慕，我只會諗做好現有工作，一步一步全面性發展，希望有日唔單止係模特兒，仲會以artist身份拍廣告或拍劇集。」

Chrissie攻日，坦言性感尺度一樣，絕不偏心，大前提係以「靚」行先。

採訪：專案組

攝影：沈健程

周秀娜野心勃勃攻日，要做日版「模Art」。

娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 過期 週刊 及 雜誌(4-6月刊)★ 過期 週刊 及 雜誌(6月-8月刊)★ 過期 週刊 及 雜誌(4-9月刊)☆