好多女生都想一生有人保護自己，你哋搵唔搵到保護我就唔知，但我可以話你知掌上有方格紋，就有護力！
何謂方格紋
掌紋現出方格形，稱為方格紋或井紋，代表保護力，有保護相應位置的力量。
一般相士說有井紋（方格紋）出現代表有田產，其實只是佢哋的「想法」，有井紋有田產，冇井紋又是否冇田產呢？好多有錢佬都大把田產，但佢哋又是否滿手都是井紋呢？其實井紋與田產是沒有關係的，現代人賺到錢就有田產。相學上係從掌形嘅優劣、顏色好壞，成功線、事業線係咪清晰，推斷個人有冇田產。
生命線
如果喺線中出現方格（A），代表能對生命起着保護作用，就算遇到有生命危險，亦能夠幸運避過，死裏逃生。但如生命線在太陰丘內出現方格（B），代表與世隔絕，或會過隱世生活。
腦線
（C）代表呢世人可避免身心、思想過分勞累，亦能保護頭部免受外來的傷害。
心線
（D）代表能減免因愛情所帶來的創傷。如（E）的方格紋喺土星丘上出現，代表自己所愛嘅人將會有不幸事件發生。
命運線
（F）對事業能有保護作用，即係話若你能幹出一番成績，都唔會突然間失去。
成功線
（G）對事業上的成就與名譽有護力，亦能令你本身的直覺能力得到保護，即係話你嘅直覺會準確。
水星線
（H）對水星丘起着保護作用，若果從商，或做科學及醫學工作，所得到的成就更為持久。
So time
讀者永不放棄心急問：
本人196X年新曆X月16日出生，一生無論感情、事業、財政及健康方面都很失敗。特別在感情方面，至今仍未有着落。現有以下問題，謝謝能為我解答！
1. 我怎樣才會有結婚的可能？我明白我這年紀較困難，但我很不甘心，是否真的沒有可能？我一生都行善積福，不明白為何一生失敗至此！
2. 究竟還有沒有運行？
3. 怎樣能令我的個人運勢較好？
蘇師傅答：你的命格屬「水」，生於秋天，要「火」嚟照暖，以「木」、「火」對你有利。命格23歲入大運，行到53歲，53歲至63歲停一停，63歲之後仲有20年大運。你話喺感情、事業、財政及健康方面都失敗，但係你條命睇唔到有大問題，反而係你性格上出現問題，命格上因為你「官剎混雜」，「剎」係剛強、硬頸好勝心強，加埋脾氣唔好；「官」就係光明正大、循規蹈矩，做事一步步嚟，所以你一時就好勝，一時又好有規矩，咁你性格嘅矛盾令你做起事嚟咪會成日覺得唔好。你有運行的，只係你把握得唔好。你想知自己成唔成功呢（一般人都係咁睇）？就要睇下你隻手指公夠唔夠長，頭腦線同生命線會唔會連埋太多先至分開。感情上你亦唔係冇姻緣運。行善積福係好嘅，但係若果你性格嘅缺陷，就要去正視，積極提升自己才是解決問題嘅根本。提提你，2010至2015年係你第一個大運嘅尾期，你要好好把握，如果唔係真係神仙都難救嘞！
留言列表
