鍾嘉欣自認攞 A 晒視后戰衣
【萬千星輝頒獎典禮 2011】鍾嘉欣今年在電視圈的成績很不錯，尤其是《點解阿 Sir係阿 Sir》中 Miss Koo一角令她更上一層樓，有真正實力問鼎視后寶座。不過嘉欣以平常心看待，尤其連在討論區常批評她的網民都接受了她，她自言等如已攞了 A級成績，日前她嚴選出征台慶頒獎禮的戰衣。
鍾嘉欣憑無綫劇《點解阿 Sir係阿 Sir》中 Miss Koo一角，角逐今屆無綫台慶頒獎禮視后，由於此角色口碑甚好，嘉欣有信心當晚會攞獎，故特別請時裝設計師好友鄭兆良（ Barney Cheng）跟她一同設計戰衣。
放大圖片 
鍾嘉欣在《點》劇中 Miss Koo一角大獲好評。電視圖片
放大圖片 
鍾嘉欣的閃爆戰衣仍未到港，故忍不住試穿鄭兆良其他靚衫。
「入圍當贏咗」 放大圖片 
曾性感 Big爆全場的嘉欣，今次大玩 Bling Bling。
對於今次頒獎禮，嘉欣坦言有信心，但以平常心看待，她說：「 Miss Koo呢個角色攞唔攞到獎係一件事，但今年嘅成績已經係攞 A，好滿意，可以答謝我嘅支持者。」最令嘉欣開心的是，就連討論區以往只會批評她的網友，都讚她今次演得好。雖然今年成績好，但嘉欣覺得仍有很大進步空間，她笑言：「有啲剛嚟發展嘅華姐問我點可以演好喊戲，可以喊快啲，其實我都係入行七年累積返嚟，需要有經歷，慢慢變成有自信。」既有自信，若攞不到獎會否失望呢？嘉欣說：「我係驚 fans失望，我自己就唔緊要，入圍已經當贏咗，成績都 A啦！」
拍外傳拉提琴
嘉欣不放眼在獎項上，反而希望做足準備，演好下月初開拍的《 Miss Koo外傳》，那個全新的 Miss Koo不玩保齡，轉玩大提琴，會有更多的內心戲。至於台慶頒獎禮的戰衣，嘉欣的設計意念是要有自己的性格，雖然不算性感，她笑言：「以前 Big爆全場，今次係用人手釘嵌啲水晶閃爆。」採訪：羅美倫攝影：葉君海 
嘉欣自覺今年拿得 A級成績，對支持者有所交代。
留言列表
