這是個擺明要你攤唞腦淨化的世界，即使是「最潮」的 Chaweng，沿路，兩女走來一片死寂。印花裙、 C貨三點式、波衫、手袋同篋， Sukmi：「啲頸鏈喺翟度翟起碼平一半喎！」算把啦！都係同街坊及旅客目標一致，湧到 Big C、 Tesco Lotus及家樂福買零食啦！記者、攝影：陳慧敏
坐貨車 超市掃零食 放大圖片 
■日本出品的香蒜味同牛油粟米味燒米餅，獨立包裝，香港未見。各約$9
三霸之中尤以 Tesco Lotus最巴閉，小小島上已有三家，隨便坐架電單車，最多 20分鐘就到。旅遊書介紹必買的鴨蛋或辣椒醬等都搵得齊。Sukmi推住架車就直衝零食圈：「泰國超市零食最抵買，好多香港無又好好味 o架！」比久違了的家樂福更大陣仗， 12小包一打，包成枕頭咁大包批發裝她左擁右抱，我們好似賊咁一人揹住一大包， 150蚊都唔使！「死啦！太大包塞唔到上車頭位呀！」「唔係呀嘛！呢 o架貨車嚟 o架咯喎！」係，見我們粗身大勢，一架扮的士的貨車已經好醒地駛到我們面前，但車頭乘客位居然塞唔落！惟有連人帶貨給搬到擺貨的車尾廂啦。有無咁誇張？就看她有甚麼零食推介，更新吓個賀年全盒都好！
放大圖片 
■像香港買到的威化餅粒粒，但這包 Lausanne是連埋一包朱古力 shake shake粉，好玩又好味！約$11/包
放大圖片 
■ Big Bite魚乾紫菜！是我到泰國必買的零食，脆卜卜紫菜片上灑了花生粒，食到一地都係但好惹味。另有魷魚乾紫菜脆脆。約$4.5/包
a.Tesco Lotus地址： 1/7, moo 6, Bophut
蒲友世界 夜市車仔檔
零食倒滿一車，我們在高速狂風中一路影，一路拆嘢食影相影到天昏地暗，直到嚇呆了的司機忽然出現在車尾：「咦？到喇？」原來由超市到 Friday night最熱鬧、島民推介最掂的 Fisherman's Village夜市只要 15分鐘。嗱嗱臨執嘢搵返對拖鞋，下車啦！來泰國的旅客，無論逛過多少個多少次泰國各地的夜市，到日落西山之時，對腳同個腦總係自自然然地飄去那燈火閃閃，人潮往來的夜市。蘇梅的夜市，像八十年代時香港的大笪地。 Fisherman's Village的路以海邊的一個 T字組成，紅起來，因為沿海一段都給外資湧進，整條路都開滿 hip又 chic，坐滿歐美遊客的閃閃令酒吧。平時，就係蒲吧友的世界，但周五晚由直路走進，水晶吊燈的洋化酒吧前，排滿一個個冒煙的「車仔檔」，一家大中小吵吵鬧鬧，打頭陣清一色 BBQ串燒肉，芭蕉扇撥行炭火爐，咖喱與沙嗲等肉香飄至，隔一會有成籮噴水的蜆， 60銖一個大筲箕即炒即食，仲有芭蕉燒糯米飯、 pancake、連雞尾酒都有車仔檔，好熱鬧呀！我同 Sukmi一個好烤肉一個愛甜品，咬住塊薄餅之時 Sukmi又塞我食咖喱，同行泰國人同旅客也都一樣，因為同一般夜市不同係，統統都無桌椅，管你食蜆定食薄餅，一係買走一係捧住一路行一路食，一係，幫襯酒吧囉！
放大圖片 
■想影美國人 John手上塊即焗 pizza，他 OK一聲，就食咗，嘖！
放大圖片 
■雞同豬肉串燒最香！約$5/兩串
魚毛 Boots呀！
夜市除了食和買，還有魚仔 spa！地踎小店落地玻璃一排的魚缸讓客人坐着浸腳，腳皮多的人還會成為旅遊景點，好多人合照 o架！ Sukmi就忍不住踎低「欣賞」一個遊客雙腳由魚仔群摟成一對今年大熱的魚毛 boots！每位約$50
放大圖片 
放大圖片 
買買買! 放大圖片 
■大近視眼鏡約$25
放大圖片 
■手作拼布熊寶寶，手腳靈活隻隻不同款 o架！各約$30起
放大圖片 
■好大膽的人體彩繪啊！
放大圖片 
■自家設計的串珠小手鏈，約$50，係貴咗啲囉……
食食食! 放大圖片 
■漁港嘛，新鮮炒蜆最多。約$15/碟起
放大圖片 
■口裏咬的是蕉葉烤糯米，手上大把串燒同零食……
放大圖片 
■泰式 pancake加了軟滑香蕉片或朱古力醬。約$5
放大圖片 
■行行吓冲杯 cocktail！約$15
姣婆色床舖酒吧 Again
上回介紹過海邊舖滿白色大床，好玩唔好食的 Nikki Beach，今回被街角彩色繽紛的小店吸引坐下，細望，每一圍對坐，都是給磨得光滑的古董木架床，有刻花的、矮腳的、擺滿豆袋的，然後小露台裏的小木架床，或老桌椅前羅帳輕掛，劃出一個個自我空間，配上艷紫撞嫩綠，溝埋姣婆藍同桃紅的牆壁與床帳，加上淡紅昏暗的燈光，氣氛綺麗得來有點奇詭。泰國真假古董市集都多，但那點點歷史刮痕，及現世代找不着的設計，總勾起你腦裏的幾個古董神話。循例都要影吓這裏最正特飲，幾個侍應姐姐笑笑推推，推介 Sex On The Beach。又係？有無啲新意呀？問極都話呢杯好。飲啖，唔辣嘅？不夠 hot喎！倒是調得清清甜甜的，大熱天時係幾開胃，反而更易唔覺唔覺喝醉的那種……
放大圖片 
■阿狗在裏面瞓得舒舒服服，其實，我哋都好想呀……
放大圖片 
■艷紫、嫩綠，加上三個成日唔知做乜笑嘻嘻的美女相伴。
放大圖片 
■前排 Sex On The Beach約$26
放大圖片 
■二樓小露台，下望繁忙的街道，都好舒服呢。
b.Karma Sutra地址： 25 Moo1, Fisherman's Village, Bophut
Night Market 放大圖片 
溫馨提示：蘇梅逢周五六日都有不同夜市，如周日在 Lamai；周六在 Nathon；周五在 Fisherman's Village同周四在 Mae Nam，一般在五點開始，但其實未到七點都唔使旨意有人……
放大圖片 
泰國 蘇梅島下周有雨， 24-28℃
Travel Memo 放大圖片 
持 BNO或特區護照免簽證。泰國領事館： 2521 64813月 31日前乘曼谷航空往蘇梅島，四日三夜套票包來回機票及三晚酒店，價錢由$3,250起。學聯旅遊：http://www.hkst.com
1港元約兌 4泰銖（文中價錢已折算港元）220V，兩扁腳插座 
■零食倒滿一車，我們一路影相一路拆，好爽！
留言列表
