現年 51歲嘅無綫廚神李錦聯，本月初同 45歲嘅酒廊歌手女友邵敏婷發生爭執兼動粗，搞到報警又話要分手，不過近日李錦聯箍煲成功，仲計劃銷案。李錦聯可能開心過龍，噚日喺大埔出席活動時再辣火頭，踢爆屢傳同佢不和嘅安德尊畀無綫雪藏。
遭高層照肺 放大圖片 
李錦聯打算同女友邵敏婷秘密去警署銷案。資料圖片
話說李錦聯同大王安德尊向來喺婦女節目《都巿閒情》合作都有火藥味，噚日李錦聯做訪問時就直接攻擊大王，句句夭心夭肺，李錦聯話：「可能近期形象上我有少少唔同，我都驚影響形象，最失望就係近期冇得同安德尊合作，佢冇得同我一齊煮嘢食，佢嗰啲無敵鴛鴦鏟同批踭無用武之地，佢都畀無綫雪咗一段時間，希望佢改吓做人嘅態度，我或者會考慮同佢合作番。」越爆越興奮嘅李錦聯仲話，其實安德尊做嘢不嬲都霸道，表演慾又強，所以好阻礙想靜心睇節目嘅觀眾，李錦聯話無綫接到好多投訴，高層直情同佢哋照肺，叫佢哋要和平相處。
想秘密銷案 放大圖片 
《都巿閒情》主持之一安德尊（後排左）被指霸道。
至於同女友動粗搞到要報案單嘢，李錦聯話經過鮮花攻勢後，已經箍煲成功，雙方決定銷案，惟獨高空擲物未知律政司點處理，李錦聯聲稱之後會同女友秘密去警署銷案。至於安德尊就一直冇回覆記者查詢。 
李錦聯噚日爆死敵安德尊被無綫雪藏，仲越講越興奮。
全站熱搜
留言列表
