今日係兒童節，不如搞吓親子樂，做幾個得意簡單又可以俾小朋友參與嘅日本料理。怕咗食日本嘢？ Gohsan今日就選用了來自青森縣一啲地震前生產又可長時間保存嘅食材，如蘋果脆片、醬油、白米等，邊個話地震之後唔可以食日本嘢？咪自己嚇自己啦！記者：趙珮倩攝影：王文忠V壹網： http://www.vdonext.com/index.php?fuseaction=Features.Archive&channel_id=575603&program_id=1603768睇片即上留言電郵： mailto:adl.kitchen@yahoo.com.hk
今日煮腦 放大圖片 
張一豪（日本小吃達人）曾任職飲食記者逾 10年，操流利日語及深愛日本美食，曾在港開設章魚燒店、糖果店等，並籌備開一家章魚燒店。
煮題 青森美味得意兒童餐
有料到青森蘋果脆片 香脆可口 放大圖片 
青森出名蘋果，將新鮮蘋果以先進烘焙技術製成脆片，香脆清甜，是健康零食之選。$56/60克（ a）
蘋果醬油 特別甘甜 放大圖片 
加有青森蘋果精華及蜂蜜，釀造需時一年，所以醬汁都是在地震前生產。$52/300毫升（ a）
帶子醬油 香濃鮮味 放大圖片 
青森帶子產量是全國第二，醬油加入帶子精華、昆布、冬菇來釀造，十分鮮味。$55/180毫升（ a）
青森津輕浪漫米 入口較甜 放大圖片 
名產「越光米」配種的第三代，放凉後甜度會增加，宜做料理或壽司飯。$99/2千克（ a）
茄汁肉醬 即開即食 放大圖片 
一開即食方便到極，味道偏甜，最啱小朋友口味，適宜拌意粉或米飯，日式超市有售。（ a）金禾太平有限公司（ 2110 6988）
雞肉餅帶子醬油米漢堡 放大圖片 
小朋友不願吃飯？不如做個賣相可愛的米漢堡，味道鮮甜，包保小朋友搶住吃。
材料
免治雞肉 200克、蘑菇碎 20克、雞蛋 1隻、水 1湯匙、生粉/帶子醬油各 1茶匙、雞粉/糖各 1/2茶匙、胡椒粉少許、生菜 2片飯料：飯 400克、帶子醬油 2茶匙、芝麻 1/2茶匙、紫菜絲適量
做法 放大圖片 
1.雞肉碎加入帶子醬油、生粉、胡椒粉、糖、水拌勻後，下雞蛋、蘑菇碎撈勻。2.匙羮沾上少許水，將雞肉滾成球狀備用。3.開大火燒熱鑊下油，放入雞肉球煎至表面金黃色後，收細火慢慢煎約 5分鐘至熟透備用。4.白飯加入芝麻、帶子醬油拌勻，將 1/4份飯放入碗內，壓實倒出成餅狀，再放鑊以中火煎至兩面略金黃色即可。5.將一塊飯餅上碟，放上生菜，再放雞肉漢堡，最後以紫菜裝飾做成公仔樣即成。
放大圖片 
放大圖片 
貼士
想漢堡扒 Juicy一點，可將免治雞肉加入少許肥豬肉拌勻。
蘋果醬油薯仔沙律 放大圖片 
薯茸加入了蘋果茸和青森特產蘋果醬油，味道好甘甜兼帶果香，大人細路都鍾意食。
材料
薯仔（切粒） 300克、蘋果（切茸） 1/4個、車厘茄 4粒、蝦仁 4隻、西蘭花 4朵、菠蘿 2片、青瓜適量、甘笋條 4條、士多啤梨少許調味料：鮮奶/蘋果醬油/沙律醬各 2湯匙、胡椒粉少許、牛油 20克
做法
1.燒滾水，下西蘭花灼熟，盛起；將蝦仁灼熟，盛起。2.車厘茄一開二備用。3.燒滾水，將薯仔隔水蒸 10分鐘至熟取出，加入牛油拌勻，然後下鮮奶、沙律醬拌勻後，下蘋果醬油、胡椒粉略壓成茸。4.將蘋果茸加入薯茸內混合，雙手沾上少許水，舀出約 1/4份薯茸搓成球狀，在薯茸上插上西蘭花扮頭髮。5.再放上車厘茄做眼，蝦仁做嘴巴即成。6.薯茸頭上碟，將士多啤梨、青瓜、菠蘿、甘笋伴碟即可。
放大圖片 
放大圖片 
貼士
薯仔完全壓爛後入口會比較滑，若不完全壓爛，吃下會更有口感。
蛋包飯便當 放大圖片 
稻米由收成、入袋至保存，並不是三兩日之間的事，這個便當選用了近日入口的青森津輕浪漫米，這批米於去年收成，地震前已去殼入袋，所以不必擔心輻射問題。
材料
白飯 400克、即食茄汁肉醬 155克、蛋 2隻、蟹肉柳（撕開） 4條、火腿絲 40克、青瓜絲 50克、牛奶 2湯匙
做法
1.將白飯倒入大碗，加入茄汁肉醬拌勻。2.將雞蛋加入奶拂勻：開中火燒熱鑊下油，倒蛋漿煎成蛋皮備用。3.將蛋皮放上壽司蓆，鋪上飯，放上蟹肉柳、青瓜絲、火腿絲。4.將蛋包飯捲好，切件，放入便當盒即成。
放大圖片 
放大圖片 
青森蘋果乾朱古力 放大圖片 
朱古力加入清香的蘋果片做成朱古力脆片，甜而不膩，好味呀。
材料
純朱古力 100克、青蘋果脆片/紅蘋果脆片各 30克
做法
1.將半份的青和紅蘋果脆片略壓碎。2.熱水倒入大碗內，將朱古力隔熱水拌溶，加入蘋果脆片拌勻。3.將不銹鋼盤放在冰塊上，逐一舀上 1湯匙的朱古力蘋果脆片，插上大塊的青、紅蘋果脆片，待它凝固便可上碟。
放大圖片 
放大圖片 
留言列表
