想當年經濟不景，市場推出一蚊雞、一蚊撻等等你我無任歡迎，今時今日經濟環境好咗，依然有一蚊美食，你我就更加歡迎，以超平價錢食到香腸、熱狗、章魚丸、雪糕、蛋撻等，有無咁抵？有，東港城 Food Point明天就搞個開幕大優惠，二千多件經典小食換購價，全部「$1」！記者：梁美甜 攝影：陳盛臣Model： Jancy@Zmodel.com查詢：東港城（ 2703 9346）
其他副刊影片 首登場 100%台灣風味
Food Point乃參照新加坡 Food Kiosk美食概念，提供方便快捷的輕食及小食，專區內共有 12間小食店，當中兩間屬設座位的人氣食肆，其餘均無座位提供輕小食， 10間小食店中不少更推出獨家限定產品，於 4月 6日更來個開幕大優惠，推出$1換購美食，惟要在 4pm先到一樓抽籤取指定食物換領券才可到小食店以$1購買，過程稍嫌麻煩。10間小食店中有首次全新引入的台灣小吃店「南城北市」，供應十多款台灣地道小吃，還專程於台南請來經驗師傅坐鎮，食材均由台灣直接運抵，食味品質拍得住當地水準，見到師傅即煎蚵仔煎（蚵仔指蠔仔）、台式芋粿、即烤脆肉紙、烤香腸等已叫人食指大動，$1優惠更是即烤的黑橋牌烤香腸，品牌屬台灣人氣香腸牌子，以百分百台灣黑珍豬後腿肉製成， 3:7肥瘦比例，皮脆肉爽甘香味濃，胃口細細為食妹 Jancy都要連吃兩條才滿足！
放大圖片 
大會更邀請日本競食界人氣寵兒，有「爆食女神」稱號的佐藤瞳來港試食，於 20分鐘內掃走 9磅重限定及招牌小食，大食本色媲美 Jancy的為食本色。
放大圖片 
多年經驗老師傅，精通地道台灣小食，以台南沿海新鮮蚵仔即席炮製蚵仔煎，看到已經覺得好味！
黑橋牌脆肉紙$20包 放大圖片 
一包四片的即烤脆肉紙，同樣脆卜卜，但師傅故意將肉紙摺起，令嚼勁更強，味道更突出。
放大圖片 
「安平貴記」及「周氏蝦捲」均是台南主流食肆，前者屬百年老店，其蚵仔煎更得過全國蚵仔煎大賽冠軍；後者也是人氣老店，蝦捲更是招牌美食之一。
放大圖片 
放大圖片 
■黑橋牌烤香腸 100條 原價$10條
放大圖片 
南城北市將軍澳重華路 8號東港城 1樓 Food Point K4號舖
全新蛋撻概念店
Tart Tart Yummy屬蛋撻王全新副線，走中高檔年輕路線，食物款式更具創意及色彩，限定推出八款 Yummy tart立體批及四款北海道牧場牛乳樽系列。 Yummy tart撻面是色彩繽紛的 3D立體圖案，餡料是海鮮肉類如粟米海鮮、咖喱牛肉、蜜汁叉燒、黑椒煙肉等，汁多味濃，有點似雞批的變種；牛乳樽則是北海道牛奶加入走地雞蛋、忌廉、朱古力奶、黑芝麻炮製而成，奶味濃郁又香滑，試業日單日就已經賣出百多樽，誇張得嚇人！
放大圖片 
■（上）北海道牧場牛乳樽系列$16樽（下）凍鈦撻系列$4件
牛乳樽味道有焦糖燉蛋、日本純牛乳、朱古力及黑芝麻四款味道；凍鈦撻以鮮果打造，有士多啤梨、蜜瓜、芒果、椰汁等六款味道。
放大圖片 
■酥皮鮮奶蛋撻 200件原價$5件
放大圖片 
■ Yummy tart$12件
放大圖片 
Tart Tart Yummy將軍澳重華路 8號東港城 1樓 Food Point K2號舖
$1優惠一覽掃
正宗美式熱狗 放大圖片 
近期熱爆美式熱狗專門店，獨家限定$25超香脆特大薯條。（ Just Hot Dog Food Point K10號舖）熱狗 200隻原價$24隻
名牌懷舊小食 放大圖片 
集多款懷舊小食，獨家限定$68個珍寶缽仔王（須兩天前預訂）等。（砵仔王 Food Point K6號舖）缽仔糕 100件原價$5件
人氣忌廉泡芙 放大圖片 
人氣日式忌廉泡芙，獨家限定$15薄荷朱古力味泡芙。（ beard papa's Food Point K5號舖）迷你泡芙 100件原價$18/3件
意式低脂雪糕 放大圖片 
獨家限定$30特色新地窩夫筒。（ Pappagallo Food Point K7-K8號舖）香芒乳酪或香蕉曲奇單球意大利雪糕 200杯原價$23.5杯
人氣八爪魚丸 放大圖片 
日船是首間引入日式燒八爪魚丸的人氣店。（日船章魚小丸子 Food Point K9號舖）1盒 6粒章魚小丸子 100盒原價$15盒
三好台灣茶 放大圖片 
獨家限定三款 1公升特色家庭裝茶。（水研社 Food Point K11號舖）台灣龍井茶或阿里山冰茶 200杯原價$10杯
原味靚湯 放大圖片 
獨家限定三款優惠價$10推出的 16安士原味特飲。（原味家作 Food Point K1號舖）8安士雪梨甘蔗蜜棗瘦肉湯 100杯原價$22杯
星洲健康肉乾 放大圖片 
新加坡老字號，以傳統炭熏方法烹調出無味精豬肉乾。（美珍香 Food Point K3號舖）迷你豬肉乾 1,000片（每人限購 20片）原價$54/20片 
留言列表
