陳嘉桓母女 Under撈亂着
守身如玉的女星陳嘉桓，早前豁出去騷胸晒腿行內衣騷，原來她對內衣有情意結，自爆愛在家中穿內衣照鏡，更與母親撈亂內衣褲着！
堪稱圈中乖乖女的陳嘉桓（Rose），早前身體力行證明終於「大個女」，放下性感防線，為內衣品牌Triumph行內衣騷。但Rose可能不習慣，騷後不慎患上感冒，更笑言自己夠年輕，故出場前不用做健胸運動「充撐」場面！
買錯胸圍戴錯Bra
雖然作風保守，但Rose對內衣也有研究，自爆珍藏逾五十套內衣及愛照鏡自賞：「買多啲可以襯衫，但我唔夠膽好似鬼妹咁只着Bra Top出街，點都要加件背心，內衣太Sexy就留番喺屋企着，自己照鏡慢慢欣賞，但一定唔會影相！我贊成靚內衣可以吸引男士，但我未有呢個體驗。」
Rose坦言人生第一個Bra是由母親Ronnie代買，更稱內衣褲也會與媽咪兩份着：「第一個Bra係我主動叫媽咪買，當時都覺得好尷尬，咁多年嚟都有試過買錯胸圍、戴錯Bra。所以依家大個，成日都會同媽咪一齊買內衣褲，大家仲會交換着，唔怕唔衞生，因為一定會洗嘛！」
自評身材只有60分的她，笑言未知今年會否出寫真：「我覺得自己Cup數唔夠勁，雖然以後係咪會性感工作要睇公司安排，但我想有唔同形象，開始有少少女人味。目標係兩年內買樓，依家學緊車，希望買樓前可以先做車主！」
專案組
陳嘉桓愛在家中穿內衣，並會照鏡欣賞自己的身材。
向來密實的陳嘉桓，不敢只穿Bra Top出街。
陳嘉桓自爆與媽咪撈亂內衣褲着！
文章標籤
全站熱搜
留言列表
