句句金

 

41歲莫文蔚終於嫁得出，日前更喺微博晒命：
我已成為「盛女」啦！
咁又係，由「剩女」變成人妻，仲多咗兩個女，做埋哎吔媽咪，人生點會唔豐盛吖？媽咪姐都希望佢繼續「盛」落去，生番個baby。

 
鍾麗緹與第二任丈夫離婚，之後被拍得跟不同異性撐枱腳，手拖手，向來鬼妹仔性格嘅佢亦承認：
我真係個個都拖㗎！
搵第三春的確好重要，但唔好見人就拖先得㗎，因住俾人話你濫呀！


模胡心諾雖然喺寫真賣開肉，但坦言不會接拍三級片。不過凡事有例外，假使有《色•戒》咁大卡士，兼且對手係梁朝偉，
就可以為藝術犧牲吓。
咁媽咪姐就恭喜佢嘞。呢個機遇基本上永遠唔會出現，佢唔使為藝術犧牲咁委屈。


陳山聰、伍詠薇絕交，身為未來外母嘅三太對事件不願置評，唯一可以講嘅係：
相信阿女嘅眼光。
為人母親嘅都只可以咁講啫，鬼叫自己個女鍾意咩，呢種無奈嘅愛屋及烏，媽咪姐感同身受。


古巨基喺演唱會自爆相信世界末日，但唔會因此而結婚：
如果世界唔末日，咁婚就結得過啦！
唏，講到尾都係唔想結婚啫，唔使末日前末日後搵咁多藉口嘅。


黃奕近日接受訪問時，被問到會唔會抗拒搵富二代做老公？佢懶清高咁回答：
選不選富二代不是重點，重點要看思想能不能一致。
有指前夫係空心老倌，先令黃奕決定離婚。所以富二代唔係重點，重點係揀着嗰個富二代，係咪真係有錢。 ####

arrow
arrow
    文章標籤
    句句金 忽然1周 846期
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄