HBO原創劇《雷霆戰海》（The Pacific），係湯漢斯、史提芬史匹堡兩大天王聯合監製 《雷霆傘兵》姊妹作。《雷霆戰海》根據二次大戰，美國海軍陸戰隊其中一個隊員Robert Leckie嘅回憶錄改編。主要戰爭場面喺澳洲拍攝，拍攝期長１０個月，製作費高達２億美元（約港幣１５.５億元），打破《雷霆傘兵》創下嘅１.2億美元紀錄，屬史上最昂貴戰爭電視劇集。
史提芬史匹堡同湯漢斯喺電影《雷霆救兵》（Saving Private Rayn）合作後，兩人發覺對二次大戰題材意猶未盡，於是聯合炮製電視劇《雷霆傘兵》（Band of Brothers），獲得意想不到好成績後，又再下一城，最新作品就係同樣以二次大戰做背景嘅 《雷霆戰海》。此劇不單係史上製作費最高昂，更奪得舊年艾美獎最佳迷你劇、最佳選角、最佳化妝、最佳特技化妝、最佳美術指導、最佳音效剪接、最佳混音及最佳特別視覺效果等８個獎項，認真厲害。
著名戰役重現
《雷霆傘兵》係講陸軍傘兵喺歐洲戰區嘅軍事行動，而《雷霆戰海》嘅戰場則係地球另一端太平洋戰區，範圍包括太平洋所屬島嶼如菲律賓、東印度群島、新畿內亞及所羅門群島。故事講美國海軍陸戰隊步兵團、綽號「The Old Breed」第一陸戰分隊入面３個隊員 Robert Leckie（James Badge Dale飾）、Eugene Sledge（Joe Mazzello飾）及John Basilone（Joe Seda飾）喺 太平洋戰爭中嘅漫長歷程。最後俾個溫馨提示大家：《雷霆戰海》好多鏡頭，比電影《雷霆救兵》更血肉橫飛，所以各位睇劇前，要有心理準備。
播映日期 10月18日起逢周二晚10:35pm 明珠台 ####
劇中三個主角從珊瑚島到琉璜島血腥一戰，再經歷沖繩島大殺戮。過程要幾殘酷有幾殘酷。
真人版
Robert Leckie
劇中飾演Robert Leckie嘅James Badge Dale，亦即係《24》入面嘅Chase。
二次大戰中，就以美國海軍陸戰隊喺太平洋戰爭最為慘烈。
隊員為自己生命奮勇作戰，除要忍受極度惡劣天氣外，更要迎戰殘忍嘅敵軍。
經過連番廝殺，犧牲無數士兵，先獲得最後勝利。
投筆從戎嘅記者Leckie（右）同Sledge及好朋友Philips參與美國海軍陸戰隊步兵團，隨軍到從未聽過嘅土地上作戰。
留言列表
