全港首部 iPhone 4S，喺周五晚 11點正式抵達！你無估錯，佢又一次炒上過萬，難得今次以「 For Steve」之名，似向喬布斯發出最後致敬，果迷梗唔會慳住荷包。機身一樣， 4S重頭戲落在全新語音操作系統 Siri度，你講一句，佢答一句，同居密友咁款，花萬三蚊同 iPhone傾「蜜」偈，點都值啦！記者：陳國輝 攝影：周旭文Model： Alia@Pure Models
其他副刊影片 澳洲 4S無鎖機可即用 放大圖片 
■ Juicy Bird首批 4S搶先到港，全部留畀熟客。
未到貨前，實在有太多不確定因素，叫蘋果迷一直擔心！最重要嘅，當然係鎖機難題，首批到港嘅 iPhone 4S屬澳洲水貨，大家唔使擔心，呢批機無 SIM Lock，唔使等幾個月搵人破解，亦毋須用 Hyber SIM玩，當晚只不過插一張普通 Smartone卡已可即時上網，打電話，同部普通智能手機無分別。
放大圖片 
■新舊包裝有別， 4S改為全個盒都係白色。
放大圖片 
■首批來貨大概二十多部，以白色機為主。
放大圖片 
■儘管由 5變 4S，先達舖頭收訂仍爆晒額。
放大圖片 
■澳洲水貨最早抵港，周五晚 11點已有一批等攞機客仔。
據 Juicy Bird店長文哥話，首批貨只有二十多部，主要為白色 16GB及 32GB，未見 64GB，另亦有小量黑機。價錢方面 16GB開價$11,000， 32GB就賣$13,000，相比原價 799澳元（約港幣$6,400），炒價升幅不足一倍。然而好多人想知： iPhone 4S能否全民炒番轉？文哥粗略估計，未來幾日店內仍維持每日返 50部左右，同時下個禮拜來自日本嘅 4S也相繼到港，貨源比較充裕，想好似以前咁全民炒足幾個月，相信有難度。
放大圖片 
$11,000（ 16GB）$13,000（ 32GB）
放大圖片 
■升上 A5雙核處理器，上網、播片順暢得無可挑剔。
放大圖片 
■機身外形 99%無變，只係天線位同靜音掣稍為改動。
放大圖片 
■支援 1080p高清拍片，係本次重大改良之一。
港式英語十問九唔中 放大圖片 
要比較 4S同 iPhone 4外觀上有乜分別，除咗天線位換咗，拎上手嘅感覺係一樣！不過 4S性能肯定滿足到你，淨係內置嗰粒雙核心 A5處理器，就已經爽過舊型號多多聲。現場實試，上網、睇 YouTube、玩埋 1080p高清攝錄，畫面絕無窒格情況，而且開關鏡頭、儲存亦毋須要等，真係好似咬蘋果咁爽。重頭戲絕對係 Siri語音功能。按住 Home掣兩秒，畫面出現咪形 Icon，對住佢講句英文指令，就會應你要求解答或相關操作。例如問：「 What's the weather today?」撈幾秒，畫面會顯示天氣情況同口述畀你聽。可能現場較嘈雜，加上英語口音不夠地道，試咗成晚， Siri辨認率不足兩成，好似 Alia用 Google搜尋「 Apple Daily」，卻一直顯示「 Apple Baby」，全場笑爆嘴！
Alia試玩 Siri 放大圖片 
「 What time is it」：輕鬆解答先撈 3、 4秒分析你嘅語音指令，再回答當下時間及顯示時鐘，全程約花十多秒。「 Where am I」：教你設定唔 Work喎！好彩， 4S跟住會教你先進入「設定」，再開啟其他功能，夠細心！「 Set up a meeting at 9」：逐步追問故意將「 Nine」讀成「 Night」，諗住考起 Siri，點知佢竟估到你講乜，回覆：「 OK, what time is the meeting?」只要再重複講「 Nine」，咁就搞掂！
玩家有 Say 放大圖片 
Simon（日系機店長）首次開機時 Set新賬號同輸入一連串資料再同步，感覺好 Android！
放大圖片 
Joanne（學校秘書）iPhone 4同 4S嘅純白比較，外觀上係有啲分別，炒上萬一蚊我仍可接受。
Profile
處理器：雙核心 A5處理器 系統： iOS 5 制式： WCDMA/GSM主要功能： Siri語音操作、 800萬像素鏡頭、 f/2.4光圈、 1080p高清攝錄、 Retina顯示器、 iCloud、 FaceTime體積： 115.2× 58.6× 9.3mm 重量：約 140g查詢： Juicy Bird（ 2393 3403） 
留言列表
