早前，數宗豪門爭產事件，弄致一家人鬧得你死我活。富貴律師曾權威（David）自知年事已高，加上近年又飽受胃病困擾，為防步一眾富豪後塵，他在去年已找律師好友立下遺囑，將身家分配給兩個兒子及親人。
近月，體力每況愈下的曾權威，日前突然話又要改遺囑，但記者在現場發現，他所修改的遺囑內容，竟然是附加將十二萬現金送給兩名友人，反而在○六年時，被他瘋狂追求的藍潔瑛，就一毫子都冇得分。
自知身體每況愈下的曾權威，趁自己還精神不俗，便到律師樓修改遺囑。
○六年時，曾權威曾向藍潔瑛求婚，可惜遭女方拒絕。
瞓埋一齊
○六年，富貴律師曾權威透過友人認識「女癲王」藍潔瑛，他不忍昔日貌美如花的藍潔瑛，淪落到如斯地步，既要出入精神病院，又經濟拮据，於是施以援手。原本只出於一片好心，但兩人相處數月後，曾權威竟對藍潔瑛萌生愛意，為了能夠明正言順照顧女方一生一世，他當年就曾經向藍潔瑛求婚，不過卻遭對方當面拒絕。
雖然藍潔瑛在感情上不肯接受曾權威，卻不斷要他作出經濟援助，這幾年，藍潔瑛一直視他是人肉提款機，後來曾權威知道藍潔瑛只是攞錢過大海豪賭後，毅然於去年斬纜，不再「放水」。他勞氣地說：「佢早排失驚無神上去我屋企狂拍門，我當然扮冇人啦。因為前年我試過放佢入屋，佢癲到話要同我瞓埋同一張牀，一瞓就瞓咗五個鐘，阻住我瞓覺。如果佢唔係咁癲，攞我畀佢啲錢去澳門喪賭，我都會照顧吓佢，有錢有乜所謂？」
曾權威表示自己已有六年胃病，近年醫生常叫他驗腸之餘又勸他做白內障手術，但不喜歡住醫院的他，堅拒入院。
全站熱搜
留言列表
