縮偈平十萬 冠跑替身
買鐵騎想揀超跑？鬼唔知多屆 SBK冠軍級人馬 aprilia RSV4係好貨！但幾乎同落場版一樣的 Factory aPRC版，車價要成廿幾萬，即使配備 Dry些少的 R版都要索價近二十萬元。若然你只求外表不求內涵的話，外形有 90%似的全新 RS4-125T絕對係最佳選擇，皆因烈車替身只賣五萬幾蚊，平十幾萬一樣可以叨光揚威。記者：許維雅攝影：譚盈傑Model： Eagle
冠軍拉花造型九成似
意大利品牌 aprilia於 09年為 Superbike World Championship（ SBK）打造的超跑 RSV4，賽場上戰績彪炳當然係成功的最佳引證，廠方隨後亦乘勢推出過不同類型的 RS車系，包括 RSV4 R及 RS125等。至於今次上場新貴 RS4-125T，同樣係模仿 RSV4外形而設計，兩側箭嘴形啡軨跟 RSV4完全一樣，就連車頭三燈式設計及車尾箭頭 LED尾燈，都跟冠軍烈車有着同樣神髓。雖然尺碼方面只有 1,953× 740× 1,138mm，比起 RSV4稍細，但採用紅白綠三色作拉花襯色的 Alitalia-SBK冠軍紀念版，車頭及油缸都有象徵 SBK冠軍的「 1」字標記，型格指數同樣爆晒燈；不過車價就比 RSV4平一大截，只售 5萬 3千多元。想再慳啲，可以揀 5萬 2千多元的黑紅色或白色版本，適合一眾迷戀 RSV4冠軍超跑又唔多夠 Budget的車迷，呢架替身實在諗得過。隨車更會附上可拆式乘客座鞍，方便車主自由選用更有型的單座或隨時換上更實用的雙座位。
放大圖片 
■雖然尺碼及馬力同樣縮水，卻令入彎更加靈活。
放大圖片 
■拉花亦有冠軍車手 Max Biaggi的大名。
首次採用 125四衝引擎 放大圖片 
■雖然車價平咁多，但外形與落場版近乎一樣，抵！
RS4-125T價錢平咁多，大家亦理解無可能會配上 1公升引擎，性能只屬初級版。廠方其實之前亦曾推出過同樣屬 125cc引擎版本的 RS125，不過只屬二衝程引擎，今次卻破天荒為 125cc跑車配上四衝程引擎。隨着二衝程引擎廢氣排放差、損耗大壽命短的問題，已經逐漸被淘汰，加上 125cc車初段力量不足，導致要經常轉波，而後段爆發力卻突然而來，對於新手而言確實較難適應。相對力量輸出比較線性的四衝引擎必定更易上手，雖然馬力輸出細一半，但車主可加錢選配電子轉檔系統（ Aprilia Quick Shift System），方便縮短轉波時間。可能有人會覺得 RS4比同級相對貴，但用料靚及原裝設定強勁就係一分錢一分貨的事實，配以電子燃油噴注系統、六速波箱、鋁合金車架、車頭 41mm倒叉及 300mm碟煞配四活塞放射式卡鉗等，都為車主帶來更高質的操控樂趣，加上既輕巧靈活又夠剛性的車身，即使唔係新手亦會考慮入場。
放大圖片 
■車頭只配單碟煞，幸有放射式卡鉗補不足。
放大圖片 
■車頭三燈式設計加上冠軍「 1」字拉花，討車迷歡心。
放大圖片 
■兩側啡軨同 RSV4一樣，外形有型有格。
放大圖片 
■馬力細所以轉波頻密，可加電子轉檔系統改善。
放大圖片 
■車尾可隨時換上單座鞍或雙座鞍。
放大圖片 
■首次為 125cc車採用四衝程引擎，減力量卻增線性。
放大圖片 
■同時備有黑紅色及白色版本，售價$52,500。
放大圖片 
RS4-125T
引擎： 125cc四衝水冷單缸馬力： 15ps/10,500rpm扭力： 10.9Nm/8,250rpm傳動：濕式 6速鏈傳動售價：$53,800查詢： 2385 0181http://www.aprilia.com.hk 
■座高有 820mm，幸好引擎缸較窄，而坐姿亦較街車化，新手唔會太難騎駕。
留言列表
