SONY Tablet P 平板唔呆板　一摺變梳妝盒 @ 明星靚相大分享☆

SONY平板唔呆板　一摺變梳妝盒

有別於 iPhone， iPad男女用家比例，肯定側重於男性！鬼咩，又大又重，女士們點擺落手袋呀？ SONY為搶佔女仔平板市場，最新嘅 Tablet P，索性靚芒一開二，摺埋成個梳妝盒咁，又輕又美觀，跟當年老任 NDS攻佔女性 Market，有着異曲同工之妙！記者：許福合攝影：蔡家輝Model： Winkie@PureModels

罕見換電設計

早前 SONY已經在香港推出 Tablet S，但除了幾個自家 App外，新意平平，所以唔少 Fans都將眼光放在這部咁摺得嘅 Tablet P，暫時行貨未有聲氣，而水貨價位有上升趨勢，現時報價大約$6,080。其實 Tablet P不知道還可不可以叫做平板，擁有上下兩個 5.5吋輕觸式屏幕，唔用時可學似 NDS咁摺起，而且機身質感比起 Tablet S好得多，而重量就只有 372g，連續使用仲長達 7.5小時，覺得時間短的話，唔緊要， P仲可以換電，是 Tablet中相當罕見嘅設計。

放大圖片

放大圖片
■罕見使用換電設計，約可使用 7.5小時。

■罕見使用換電設計，約可使用 7.5小時。

放大圖片
■同樣係雙芒摺機，外形真係有幾分相似。

■同樣係雙芒摺機，外形真係有幾分相似。

放大圖片
■拉直機身變回平板，仍然比 iPad 2細部得多。

■拉直機身變回平板，仍然比 iPad 2細部得多。

Apps雙芒優化

當合上機身， P就好像一個女士手袋一樣，不過別以為硬件會較弱，處理器就用上雙核的 NVIDIA Tegra 2，有 511萬像素 Exmor鏡頭，具備 3G及 WiFi網絡，使用 Android 3.2，除咗 Android內附各種 App外，亦會跟 Tablet S一樣，會內置有 SONY自家設計 Apps，當中最值得留意係具備 PlayStation Certified認證，可以下載 PS遊戲玩！而且因應雙芒應用， SONY自家 App都會為雙芒優化，令到上下芒可作不同顯示及用途，有如 NDS。其中一個例子係玩 PS遊戲時上芒會顯示遊戲畫面，而下芒就會有方向、三角等操控鍵，不過奇怪係 LR掣放了在上芒，所以要出動埋食指先夠用！至於原生或未支援雙芒的 Apps，就會將畫面一開二，分別在上下芒顯示，若果網頁相片或影片剛好在中間，要先上下移動才睇得晒！

放大圖片
■如果相片或影片剛好在中間，就會分為兩頁顯示。