預告聖誕 big show大鬧港鐵鋼管男想做 Gaga
【本報訊】早前於港鐵跳鋼管舞被人上載 YouTube而「一夜成名」的青年名叫張家俊，今年 18歲。上月三十日下午一時許，兼職臨記的他乘港鐵前往無綫電視城途中，聽着 Lady Gaga的 Poker Face，便偶像上身跳起鋼管舞來。記者:邱錦綉 吳子葵 林熊
張家俊：「 Lady Gaga係我超級偶像，佢試過有一次跳鋼管舞，好性感好妖，我突然好想學鋼管舞，好想好似佢咁誇張出位！」於是他上 YouTube看鋼管舞的片自學，因家中無鋼管，燈柱及路牌又太粗，他便用最似鋼管的地鐵扶手柱來練習。「我自學咗兩、三個星期，最鍾意學 American Got Talents嗰個 Steven Retchless（紐約鋼管舞男），佢凌空自轉、隻腳勾柱再旋轉啲動作好靚，我喺港鐵跳過十幾次，次次都係揀（車廂）一入去嗰條柱，因為周圍冇座椅阻住。」他說從來無學過跳舞，所有動作花式都是模仿網上片段。「個個都叫我飛飛，因為我由細到大都鍾意爬水管、爬石柱，喺高空兜兜轉，呢啲動作難唔到我。」他說在港鐵練習時不時遭搭客非議，亦有職員叫他停止；試過有學生拍掌叫好，讓他樂上半天。這次被人拍下放上網，他沒想到那麼多網民「 like」，所以會在聖誕到港鐵做一次 big show。
放大圖片 
鋼管男僅穿短褲在港鐵跳鋼管舞，惹乘客圍觀。
放大圖片 
Lady Gaga為鋼管男的超級偶像。資料圖片
阿媽 O嘴 朋友扮唔識 放大圖片 
在會所當舞蹈員的阿童讚鋼管男的舞姿不錯。
「我諗住好似 Lady Gaga咁，化個好誇張嘅妝，着件超出位嘅貼身衫，喺港鐵跳鋼管舞。」五呎八吋樣貌俊朗的他，為了令外表更完美，現在密密游水曬太陽。「我會去清水灣石灘游裸泳，曬太陽時曬埋個屁股，我最唔鍾意嗰度白雪雪。」訪問當日，他一時興起，除剩一條短褲在港鐵玩鋼管舞，車上搭客面露不悅，有些更出言大罵︰「你好停囉喎！」似乎接受其行為的人只是小撮。家人朋友怎樣看他？「阿媽 O晒嘴，話我會影響到其他乘客。啲朋友一向都知我怪，佢哋都見過我喺港鐵練習，咪扮唔識我囉。」生於單親家庭的他，母親是繙譯員，去年中五畢業後，他便兼職臨記和模特兒賺外快，閒時學插花彈琴。他說自己最怕悶，所以 Lady Gaga讓他找到人生方向，就是努力學鋼管舞，創自己一片天：「我最鍾意誇張啲嘢，男仔跳鋼管舞幾特別，我諗住遲啲跟人學跳舞，練好啲基本功，起碼要做到一字馬，跳起鋼管舞上嚟先好睇。」 
張家俊努力學鋼管舞，希望創出一片天。
鋼管男 預告 聖誕 big show 大鬧 港鐵 鋼管男 想做 Lady Gaga
留言列表
