媽咪姐手帳

人人話後生細女青春無敵，就算唔打扮都一樣睇得，不過世事無絕對！



上禮拜四（3日），何家千金何超盈孖住好姊妹林心兒，出席品牌開幕活動，戴住頂毛毛冷帽襯短褲仔嘅佢，鬼咁cute到場。不過佢全程無厘神氣，企多陣都話要搵位坐，原來佢當日病住出嚟，小腿仲有一大撻俾阿婆手推車撞親嘅傷痕，又紅又瘀，真係陰功豬！唔知超盈係咪病到冇曬心機，打扮都比平日求其，不但腳趾甲油甩咗忽、鞋頭黑曬又照着，連個嘴甩曬皮都繼續咬。21歲女，真係要keep吓好喎！ ####



我哋啱啱走難落嚟咋！（設計對白）



病緊嘅超盈，連腳趾甲油甩鬼曬都懶理，繼續着黑黑哋嘅涼鞋見人，仲露咗佢俾阿婆手推車撞親嘅傷痕。而林心兒對腳亦忽然粗曬，又有幾撻用粉都遮唔住嘅瘀痕，好一對「落難姊妹」呀！



超盈一臉病容，黑眼圈加甩皮嘴，化咗妝都遮唔住，真係要好好休息先得喇！

arrow
arrow
    文章標籤
    何超盈唔執！ 忽然1周 850期
    全站熱搜

    stacylife 發表在 痞客邦 留言(0) 人氣()

    E-mail轉寄