喊濕紙巾11月 3日，超瓊奶媽貞姐設靈，二房四姊妹逗留了兩小時，超瓊、超鳳離開時不發一言，但兩人手上揸住大疊紙巾，明顯喊過。
娛樂喧
俞琤連伴三夜解鬱 何超瓊泣別奶媽
何超瓊幾姊妹從小由奶媽貞姐（衞炎貞）照顧，對貞姐感情非常深厚。貞姐五、六年前跌親後，身體開始轉差，不時都需要進出醫院。多年來超瓊為貞姐醫藥費豪擲逾百萬，對她不離不棄。
10月 18日，貞姐在超瓊四姊妹陪伴下離世。在貞姐病重期間，超瓊非常傷心，幸得同性密友俞琤多次陪伴探病。貞姐逝世後，俞琤更連續三日徹夜開解超瓊。
月初在貞姐的靈堂上，超瓊仍禁不住多次落淚，對奶媽的思念，始終未能完全放下。
何家二房四姊妹都由奶媽貞姐湊大，何超瓊更當貞姐係半個阿媽。自從五、六年前，貞姐摔了一跤後，身體開始多毛病。何超瓊為照顧貞姐，多次接貞姐返屋企住，更在家中多個地方裝上扶手，方便貞姐出入。
「 Pansy（何超瓊）好錫貞姐㗎，貞姐個仔讀書，都係 Pansy俾錢。好多年前 Pansy已經買咗兩個單位俾貞姐同佢個仔。呢幾年貞姐喺私家醫院出出入入，數以百萬計嘅醫療費都係 Pansy俾嘅。 Pansy對貞姐咁好，其實二太都有呷醋。」知情者說。
賭王和二太多應酬，從小何超瓊見奶媽貞姐多過二太，就算近年貞姐行動不便，超瓊仍不時陪她行街解悶。 
放開啲啦！（設計對白） 
二房四姊妹對貞姐關愛有加，二太藍瓊纓（紅衫）雖然大方，但看在眼裏亦不是味兒。
超瓊俞琤多次探病
眾所周知何超瓊很愛錫奶媽，俞琤愛屋及烏，經常都會𠱁貞姐開心。「 YT（俞琤）成日都去探貞姐，有時 Pansy唔得閒， YT都會買貞姐鍾意食嘅水餃同糖水上去探佢。見貞姐行動唔方便， YT又會載佢遊車河四圍去。貞姐不時喺 Pansy面前讚 YT孝順， Pansy自然冧晒啦。」
上月初，貞姐疑因細菌入血在港安醫院留醫，何超瓊及俞琤多次一起到醫院探病。可惜年約 96歲的貞姐，體重仍是急劇下跌。上月 18日早上，貞姐注射藥物後，血壓好低，醫生已叫親友作最壞打算。何超瓊收到消息後，即趕往醫院見貞姐最後一面。
「 Pansy見到貞姐，情緒好激動，捉住貞姐隻手喊咗好耐， YT見到都眼濕濕。貞姐走咗之後， YT好用力攬住 Pansy，安慰咗佢好耐，最後仲扶住 Pansy離開。」俞琤雖然最近忙於為商台傾續牌事項籌謀，但仍抽出時間為何超瓊紓解鬱結，兩人感情更進一步。
不停拭淚儀式完畢後，超瓊不時用紙巾抹眼淚，不少親友過去安慰她。 
深情擁抱去到激動處，超瓊更攬住相熟親友痛哭，而身後的超鳳亦已喊到雙眼紅腫。 
心事重重11月 4日，超瓊、超蕸及超鳳送貞姐到鑽石山火葬場，之後再和貞姐家人到荷里活廣場食解穢酒。當日所見，何家三姊妹心事重重，未有接受記者訪問。
俞琤臨時缺席
11月 3日，貞姐在萬國殯儀館設靈。傍晚時份，超瓊、超鳳、超蕸及超儀陸續到場拜祭。喪禮採用基督教儀式進行。貞姐兒子在台致詞時，二房四位千金都喊到眼紅紅，超瓊同超鳳更不停用紙巾拭淚。四姊妹與貞姐親友互相慰問，逗留近兩小時才離開。據知俞琤本想到場送別貞姐，但因她知道有記者在場，臨時缺席。
超瓊、超鳳及超蕸翌日早上送貞姐最後一程，往鑽石山火葬場。記者欲上前採訪，被保安阻止，何超瓊一改以往有問有答的作風。看來她雖然經過大半個月，但心情仍未平復。
10月 23日，何超瓊先到壽臣山道接俞琤，然後再到財爺官邸，相信她們當晚相約曾俊華晚膳。 
瓊俞愛得黐纏
現年 51歲的何超瓊同 59歲的俞琤，在 10年初撻着，超瓊承認俞琤是「難得知己」，至今發展三年多。可惜這段關係依然未得到賭王同二太藍瓊纓祝福，超瓊惟有盡量低調，不過仍多次被傳媒影到。
難捨難離
10年 5月，本刊拍到俞琤先陪超瓊到四季酒店午膳，同日晚上又相約她到尖沙嘴吃飯，最後兩人齊齊回超瓊寓所過夜。
連番外遊
12年 1月，「瓊俞」拍拖遊巴黎，兩人十指緊扣街頭漫步。同年 8月，俞琤孖住超瓊到英國睇奧運開幕（圖），之後俞琤更租用豪華遊艇歐遊，提早與超瓊慶生。
拍拖買牀
12年 11月，超瓊同俞琤為淺水灣道新居松苑物色大牀，兩人拍拖到中環雲咸街睇傢俬及大牀，平日 cool爆嘅俞琤，落車時攬實超瓊，又為超瓊攞手袋。
留言列表
