娛一叮

經歷了長達四十小時的十級陣痛後，08年港姐亞軍陳倩揚在今年6月終誕下8磅囝囝Auryn。為了囝囝長得肥肥白白，堅持一日餵五餐人奶，於是陳倩揚產後繼續不停進補，她坐月時試過140磅，平生最重。比起港姐時弗爆嘅105磅大了幾個碼，陳倩揚唔驚就假，加上今年只有28歲的她，目標是職業型靚媽，並非湊仔肥師奶，於是在囝囝兩個月大時，她便的起心肝纖體瘦身，在四個月內減走38磅。她說：「我依家瘦過選港姐嗰陣，老公好放心，佢話終於有番個香港小姐老婆。」

11月全索期102磅

上周陳倩揚拍纖體廣告，着起三點式時比08年選港姐時的105磅更輕了三磅。

6月懷孕期140磅

懷孕期間，陳倩揚戮力穀肥自己，當時肚大如籮，足足重了40磅，更拍攝寫真曬42吋巨肚。

9月坐月後135磅

陳倩揚生完BB穀奶期間，除了上圍豐滿不少，腰間亦圓潤，坐月後出席首個活動時，就以鬆身衫遮肥。

白紗遮肉

陳倩揚如今已貴為人母，所以拍廣告時即使穿上三點式，也經常以紗布遮遮掩掩，她說：「唔一定下下露曬先叫靚。」

 

上周陳倩揚為「Bio-Slim Slimfit Centre」拍攝纖體廣告，穿上多套性感三點式，展示產後修身的成果。現時陳倩揚只得102磅，比起選港姐時105磅弗爆身形還瘦。

坐月唔敢照鏡

不過，回想起今年6月坐月時140磅肥胖身形，陳倩揚依然一額汗，她說：「坐月嗰陣特登請咗個陪月員幫手，陪月員經常煮啲好嘢俾我食，猛同我講話補身最重要。嗰時磅數真係好驚人，我直頭唔敢照鏡呀！有時要帶囝囝出街去診所做檢查，我打開衣櫃，發現冇一件衫啱着。」於是陳倩揚的起心肝決心減肥，撞正有纖體公司以六位數字酬勞邀任代言人，陳立刻飯應。當初為了囝囝健康着想，陳倩揚在懷孕期間，就自製餐單穀肥自己，希望產後奶水充足，她更說過：「我想餵到佢一歲！」不過現時陳倩揚突然反其道而行，進行修身大計。為此陳倩揚就解釋：「其實人奶同媽咪身形肥瘦完全無關，唔一定肥先代表有足夠人奶，只要媽咪平日吸收到足夠營養，囝囝食人奶嗰陣自然都吸收。」產後陳倩揚上圍最高峰試過多了十磅，亦升了一cup ，不過現時已回落不少。現階段她亦一日食足三餐，為囝囝保持均衡飲食。

老公讚索過以前

今次修身成功，相信陳倩揚的丈夫陳浩然在視覺上是最大得益人。她說：「唔好咁講，我讀書識佢嗰陣都係肥妹仔一名，有成120磅。我坐月嗰陣，佢都有讚我得意。當然見我瘦咗咁多，佢就即話：『終於有番個香港小姐老婆！』可能依家人大咗冇埋baby fat，真係瘦過選港姐嗰時。」陳倩揚現已全面復工，除任《東張西望》主持外，還會做《歡樂滿東華》等大騷司儀，見囝囝時間亦相對比以前少，她說：「咁都好，可以等佢獨立下，唔好咁黐身。」

去腫心得

拍攝當日，陳倩揚為了以最佳狀態示人，除飲咖啡去水腫外，全日只吃了一碗菜心（右圖）。不過拍完廣告後當然有住家飯補充。

 

陳倩揚認為腸胃問題是致胖因素，所以她每日也吃西梅去保持腸道暢通和去水腫，早前更在微博分享心得。 ####


















五個月大的Auryn性格依賴，陳倩揚說：「我同老公都日日忙住湊佢，佢好怕陌生人，所以我返工就可以train佢獨立啲。」



陳倩揚在影樓逗留了十二小時拍攝廣告，掛住囝囝時惟有睇iPhone內的得意相片。






飲咖啡






食西梅

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄