阿媽揼本　嘟嘟供貨　唐貝詩搞購物網洗底忽然1周 850期－明星靚相大分享☆

娛一叮

今時今日的互聯網，不但可以拉近人與人之間的距離，更可成為改善母女關係、令迷失少女重回正軌的工具。

寇鴻萍女兒唐貝詩一直被視為反叛少女，向來負面新聞多多，早前甚至被指發生斷背情。寇鴻萍為了教好女兒，最近不惜投資百萬成立一間網上購物公司給女兒打理，可謂用心良苦。

寇鴻萍更大打人情牌，誠邀多位娛圈好姊妹提供貨源，當中身為唐貝詩契媽的嘟嘟最為熱心，隨即找來多幅私夥名畫，實行以行動支持契女創業。

唐貝詩本身在英國讀工商管理，今年9月返港後卻未能學以致用。寇鴻萍眼見女兒終日無所事事，月前就揼本近百萬開設購物網，助女兒開創事業一臂之力。

本周日（6日），記者發現寇鴻萍邀請了嘟嘟鄭裕玲、林建明、江欣燕及鍾慧冰等多位「至八會」好友，在金鐘太古廣場的采蝶軒商議網站供貨事宜，還即場為供貨者拍宣傳照。嘟嘟笑說：「咁我身為契媽，梗要支持Lydia（唐貝詩）啦，除咗供畫，遲啲整埋水晶擺設。」

寇鴻萍為此亦承認：「我新成立咗一間網上購物公司，搵啲好姊妹撐吓場啫！因為我哋公司除咗各種名牌貨外，仲有個明星賣物平台，姊妹拎自己嘅畫放喺網上賣。基本上賣乜都得，總之可以展露佢哋自己嘅才華就可以。」

保證賣真貨

據知這間名為「喵擊」的網上特賣公司，將於下月9日的零時零分正式開幕。寇鴻萍表示網站所售貨品保證100%真貨，而她這公司只收買家些少傭金，志在令女兒唐貝詩有一個學習做生意機會。「阿女喺外國讀書咁多年，對於網上購物一早已經習慣，呢方面佢叻過我好多。而且我見香港暫時好少明星DIY專賣區，係一盤幾有潛力嘅生意，所以我決定幫吓個女創業。」現時公司連同寇鴻萍這位CEO和女兒，只有六位員工，而唐貝詩負責打理網站日常營運之外，更要不時外出收集貨源。上班不足兩星期的唐貝詩雖是太子女，但除了有媽咪車出車入外，絕無其他優惠。寇鴻萍說：「佢人工得八千蚊，做夠三個月，表現唔好都冇得加。不過見到個女返工後成個人積極咗，有時我唔喺公司，佢都會向我報告，真係乖咗好多。」

去年5月，唐貝詩把一張貓藏奶樽照放上微博，引發「盆景貓」事件而被圍插，搞到阿媽寇鴻萍要代女道歉。今年10月，她又被本刊拍得與「爆E超蓮」模拖手蒲吧，疑似斷背，難怪寇鴻萍要女兒「重新做人」。

改善母女關係

這是唐貝詩有生以來的第一份工，又能學以致用，她說感覺開心：「以前覺得媽咪叻就係叻嘞，但係成日對住我𠲖𠲖哦哦，幾煩吓！不過依家跟住佢學做生意，睇住佢點成立一間公司，我有好多時提出嘅意見，媽咪居然接納。兩母女成日有商有量，每日起身都知道自己今日有乜嘢要做，成個人充實咗好多，夜晚唔再心思思想出街，反而鍾意留喺屋企，同媽咪傾吓仲有乜嘢可搞。」唐貝詩後生遙遙，留番多啲心力吸取人生閱歷，絕對係好事，總比頻出負面新聞好得多。

購物網全面睇

該網上購物平台，不止賣明星繪畫，稍後江欣燕的陶瓷、鄭裕玲的水晶貼物件、鍾慧冰的無花果醬，朱潔儀的描花時裝，將會陸續登場。唐貝詩亦不時在微博宣傳自己網站（下圖）。

成立手續簡單

近來做網上生意愈來愈流行，但如何成立一間網上購物公司就不是個個人知。寇鴻萍表示因為丈夫梁廷鏘做律師，所以許多文件她都要做得清楚齊全，以防萬一。對於開設購物網站，她說：「首先要搵間IT公司或者專業電腦程式員幫你寫個網站，然後定domain name （網站名稱）。這個名一定要冇人登記過，好似我哋間網上購物公司，本來想用『Purchase』，即係購買，但咁普通嘅名一早俾人用咗，所以索性用夠三個r字變成『Purrrchase』，發音似貓叫，我細女又鍾意貓，所以網上購物平台嘅中文名索性叫『喵擊』。」待定好站名和寫好網站後，再做商業登記成立有限公司，以及為公司開個銀行戶口，這樣就完成開設程序。「我哋個網上平台24小時運作，每晚淩晨12點會更新廣告。」 ####

寇鴻萍揼本為女兒唐貝詩創業不特止，本周日相約一班姊妹捧場，其中唐貝詩契媽嘟嘟第一個舉手支持，還親自叫助手托五張畫到場。

每一位借網上購物平台出售貨品的賣家，事前都要填寫一張「喵擊服務申請表格」。當日唐貝詩就向沙姐明（林建明）細心解釋申請表上的細節。