媽咪姐手帳

泰國今年遭逢百年一遇大水災，由北部水浸到曼穀。媽咪姐原先諗住過嗰邊食吓雞飯度吓假，依家都唔敢去。不過拉姑就唔同嘞！星期二（8日）早上，佢同老公鬍鬚Kong着住一身白色情侶裝喺機場出現，笑住同媽咪姐話要去拜四面佛，無懼水災。

 

「無事嘅！但我都帶咗少少糧水。（往年你會幫栢芝祈福，今年會唔會呢？）個個都會幫，我幫你哋祈埋啦！」嘩！拉姑你咁好幫媽咪姐祈福，水災當前都拜佛為先，咁有心，四面佛一定保佑你嘅！早去早回嘞。 ####



我有佛祖保佑！（設計對白）

以往蘇施黃同關菊英等好友，都會同拉姑一齊去泰國拜佛兼度假，但今次就只見拉姑兩夫婦。「其他人應該過咗嗰邊啩？」拉姑無正面回應，話要趕上機。



星期三（9日），曼穀會有一個拜四面佛嘅大型儀式。每年呢個時候，拉姑定必出現，風雨不改，就算今年有水災都唔例外。

arrow
arrow
    文章標籤
    拉姑 勇闖 泰國 忽然1周 850期
    全站熱搜

    stacylife 發表在 痞客邦 留言(0) 人氣()

    E-mail轉寄