娛樂喧
馬賽醜聞累事性感花旦大跌價 純情嘉欣升一倍高 Ling跌 25﹪
上周四（ 11月 7日）舉行的《無綫節目巡禮 2014》， 200名藝人晒馬落力 sell客。開騷前一日上位花旦馬賽驚爆四角同性戀醜聞，與內地女製片汪子琦上海街頭熱吻，即被送入雪櫃。
馬賽出事後，無綫藝人形象備受關注，據知高海寧等性感小花慘遭壓價。部分廣告客戶對來年心水藝人名單大執位，今年最「 up& coming」的如岑麗香、朱晨麗、黃心穎和朱千雪，個個身價急漲；而視后呼聲最高的鍾嘉欣，更爬過胡杏兒，暴升一倍至 12萬一個騷。小生騷價亦不遑多讓，無綫為培養更多生金蛋的小生，力谷早前在劇集《巨輪》演黑警的陳展鵬，令其騷價暴升一倍，由 5萬變成 10萬，直逼小生王陳豪。
無綫花旦買少見少，形象健康升值能力高，鍾嘉欣備受力捧，登上花旦騷價榜首。岑麗香走勢凌厲，騷價 7萬直逼徐子珊，而朱晨麗與黃心穎亦來勢洶洶，實力不容忽視。
第 4位 岑麗香2萬→ 7萬升 250% 
第 6位 朱晨麗2萬→ 5.5萬升 175% 
第 8位 黃心穎1.5萬→ 5萬升 230%
巨胸組全跌
藝人形象有正有邪，純情玉女多人吼，形象性感經常演小三或邪牌角色自然冇咁受客戶歡迎，再加上馬賽事件，愛以身材作賣點的花旦大受影響，難怪無綫要減價促銷。
高海寧 4萬→ 3萬跌 25% 
高海寧穿上紅色低胸晚裝，仍未能成功爭取客戶歡迎，企咗好耐都冇人埋身合照。 
呂慧儀4萬→ 3萬跌 25%長腳蟹呂慧儀身穿大 deep V晚裝露胸又露腿，一出場即嘩聲四起。
許亦妮2萬→ 1萬跌 50% 
許亦妮最近新聞多多，形象偏向負面，難怪這晚落力拋胸之餘，還要主動拉住男客戶自我 hard sell。 
葉翠翠3萬→ 2萬跌 33%不時裝「胸」作勢的葉翠翠，原來觀眾同廣告商都不太受落，奈何行性感是她現時唯一的生財工具。
馬賽出事累街坊
馬賽封盤跌價馬賽早前被揭與內地有米 TB製片人汪子琦撻着，兩人在上海打車輪斷正。同性戀醜聞令馬賽即時停工，騷價由 5萬跌至 2萬，相信短期內都無人問津。
據知情者透露：「馬賽單嘢當然有影響啦，如果搵正佢做代言咁就麻煩。我哋要顧及品牌形象，揀人出活動都要好穩陣，會揀啲有潛質、形象又好嘅女星。鍾嘉欣形象健康夠入屋，依家佢開價都要 12萬喇！胡杏兒同徐子珊雖然一線但冇新鮮感，而香香就升得最勁，因為佢形象可愛又識做，次次搵佢都好多傳媒正面報道。黃心穎同朱千雪 up& coming，形象都討好，個價升得快，依然好多人搵囉，佢哋啲期好似好 full。」
眼見王維基的香港電視發牌無望，無綫加緊力推二、三線女星，如高海寧和葉翠翠，她們每次出騷都會自動波拋胸吸客，但形象並不討好，往往要劈價方能成事。馬賽雖已被雪，但日前樂易玲表示她仍有數個商場活動會出席，簽晒約一定要做，並會召她回公司「傾偈」。同樣被「照肺」的苟芸慧，亦因為減磅不成冇面見人，缺席節目巡禮，亦被飛出「十大漲價花旦」之列。
花旦騷價大執位，直接受益絕對係今屆視后大熱的鍾嘉欣，其形象清純緋聞少，自然多廣告客鍾意。繼大肚陳茵媺 15萬騷價後（因待產不計在騷價榜內），以 12萬高踞榜首，工作量日增，嘉欣早前就因壓力超標而爆瘡。
近年無綫鬧小生花旦荒，陳法拉離巢後，有傳陳豪楊怡亦會選擇逃亡。眼見能賺錢的花旦小生買少見少，無綫為開拓財源，二線男女藝人即被推上前排受力捧。
日前上海長灘一吻，不但令馬賽攣情大公開，亦連累一眾緋聞較多的女藝人身價。注重健康形象的廣告客戶，除要求嚴選代言人或出席活動的藝人，還即時壓低以往靠性感而叫高價的女藝人，從而令花旦騷價大執位。雖然胡杏兒和徐子珊仍在花旦騷價榜三甲位置（分別 10萬及 8萬），但據某廣告客戶提供的無綫藝人騷價資料顯示，岑麗香竟然僅次於徐子珊，實在令人意想不到。
港姐加價出擊據知今年出爐的港姐騷價亦比以前高，冠軍陳凱琳叫價 3萬，亞軍與季軍亦高至 2萬。 
新聞小花受歡迎唔講唔知，無綫的新聞小花都有價有市，好似當晚極受男士歡迎的張文采（右），其騷價亦有 2萬。
小生競爭力強
當大家以為女星吸金能力強時，其實無綫小生吸金力亦絕對不容忽視。以準爸爸陳豪為例，短短一年時間，已超越林峯與鄭嘉穎，史無前例攀升至 20萬。林峯亦有價有市，保持隔日的見報率， 18萬一個騷絕對走唔甩。
講到後起之秀，一定是陳展鵬，大家只要有睇《巨輪》便知他在劇內發揮得不錯，最近更被無綫狂谷。據知情者透露：「呢期煎 pan（陳展鵬）好受歡迎，好多客都點名搵佢做嘢。有啲合約仲寫明形象要好，唔係就當毀約。無綫當然睇錢份上，唔敢俾啲衰角色佢做，本來佢喺《巨輪》做黑警，衰到連女友鍾嘉欣都綁架，但高層下令要保住煎 pan形象，最後大結局講佢係無間道，幾型呀！無綫要捧一個人，就會先搞好佢嘅形象，情況就好似陳豪同馬國明咁，無綫俾得佢做嘅角色一定係好人。」
陳展鵬不但因為《巨輪》人氣急升，就連騷價亦即時跳升一倍，由年初的 5萬升至 10萬，和馬國明睇齊，氣勢果然一時無兩。而蕭正楠和梁烈唯的最新騷價亦升至近年高位，分別 6萬和 5萬。唔想騷價大跌，花旦小生們都要處理好私生活，好好保住形象喇！
小生價有升冇跌
第 1位 陳豪10萬→ 20萬在上周四的節目巡禮，最受歡迎的男藝人一定是陳豪，他除了不停向廣告客戶施冧功外，被追問太太陳茵媺及 BB現況，他亦大方回應。所到之處都笑聲不斷，看來 20萬一個騷真係值回票價。 
第 4位 郭晉安8萬→ 12萬 
第 6位 陳展鵬5萬→ 10萬入行 18年的陳展鵬終於升上一線小生之位，依家已經收 10萬一個騷，未來一年仲有《單戀雙城》和《叛徒》兩劇未出街。走勢咁強勁，睇嚟騷價仲有得升！
第 9位 蕭正楠2萬→ 6萬《巨輪》不但捧紅了陳展鵬，劇中演羅威信的蕭正楠亦即時接拍了一個薑餅廣告。他對記者透露要多謝珍姐（曾勵珍）為他接了一套國內劇，笑言今年過肥年。 
鄭嘉穎黑面趕客莫非鄭嘉穎只看好大陸市場？當晚節目巡禮上，他全程黑口黑面，就算有廣告客戶主動要求合照，他亦敷衍了事，完騷後即獨家村返回後台， sell客毫不戮力。 
撰文：娛樂組
攝影：攝影組
留言列表
