「今日相對濕度介乎喺百分之六十八……」鄧紫棋（ G.E.M.）報天氣？仲要係亞視嚟嘅？唔通佢想同黃婉曼鬥過？唔好以為係惡搞圖， G.E.M.報天氣千真萬確，可惜亞視捉到鹿都唔識脫角，一啲宣傳（或者有）都唔見，搞到 G.E.M.噚日下午要喺微博公告天下：「今晚六點半請留意 ATV亞洲電視本港台的新聞報道。不要問，只要看。」
放大圖片 
G.E.M.話今次報天氣係 one and the only one。電視圖片
放大圖片 
黃婉曼天氣女神嘅地位備受 G.E.M.威脅。電視圖片
微博報定料 放大圖片 
G.E.M.有可能係電視史上第一個剷青嘅天氣女郎。
好唔容易等到 6點 55分，只見 G.E.M.一身 OL裝，個頭仲剷咗青，一臉認真報天氣，但佢忍唔住笑，又忘記咗「報天氣打出心口是常識吧」嘅真理，好彩臨尾整番個「 G.E.M. close」，高登仔嗌收貨啦。馮仁昭打電話畀 G.E.M.了解，佢助手話：「公司由上個月開始，每個月會幫佢接一份歌手以外嘅工作，類似秘撈。上個月就賣生果，今個月就報天氣。」之後馮仁昭聯絡到 G.E.M.本人，問佢事前點解冇宣傳，佢話：「我哋就係唔想畀人知，要大家突然睇到我報天氣，我好滿意表現，畀自己九分，因為喉嚨痛扣咗一分，哈哈！」G.E.M.話做天氣女郎係好唔間單：「化妝整頭都要自己搞掂，之後要試位，然後收天文台資訊，即刻打字寫對白，我打得太慢，要工作人員幫手。」G.E.M.話天氣報告係喺播出前 15分鐘錄影，時間好趕，佢 NG咗一次，第二次就一 take過，佢仲講到自己個剷青頭：「成為香港有史以嚟第一位剷青天氣女郎。」係咪要挑戰黃婉曼？ G.E.M.話：「冇可能，我拍馬都追唔到。」 G.E.M.又否認要忍笑，因為佢覺得報天氣要正經。
剪髮迎新歌
另外， G.E.M.日前接受商台訪問，宣傳佢首新歌《 Someday I'll Fly》，問到佢首歌題材消極，係咪關於男友林宥嘉，皆因盛傳佢兩個分手， G.E.M.只係話：「會包括感情事，而剪剷青頭最大意義係反映生命，生命似有好多受損頭髮，受傷時會做電髮染髮，企圖遮住傷口，但一洗頭就會發現開晒叉，生命嘅傷口要好番係要面對同接受。」 
G.E.M.咁 cutie，高登仔實 like爆啦。電視圖片
G.E.M.跳入亞視報天氣
有「小巨肺」之稱的歌手鄧紫棋（G.E.M.）並沒簽約無綫，自由身的她昨日跳出樂壇，化身亞視「天氣女郎」，破天荒現身六點新聞時段！
歌手G.E.M.並沒與無綫簽約，可自由亮相其他電視台的她，昨日破天荒亮相亞視晚間六點鐘新聞時段，並化身「天氣女郎」向觀眾報天氣。事後她即時在微博上載相片，搞鬼地擺出「V」字勝利手勢，並留言：「誰剛剛有在電視上看我當天氣女郎？」而G.E.M.接受訪問時說：「我專登早一個鐘到達拍攝現場，仲親自寫講稿！不過由於打字太慢，最後都要工作人員幫我完成，哈哈！好彩拍攝都算順利，淨係拍兩個Take就OK！」
為情所困
另一方面，G.E.M.早前與緋聞男友、台灣歌手林宥嘉傳情變，昨晨她接受電台節目《巴巴閉邊個夠我查篤撐》訪問時，自爆於製作新碟期間情緒備受困擾，被問到有否向男友傾訴時？她竟直言男友就是其中一個令她困擾的因素！至於對台灣的感覺如何？她指是其中一個宣傳新碟的地方。
專案組
變身天氣女郎的G.E.M.一本正經。
G.E.M.暫時放下歌手身份，以一身斯文打扮到亞視報天氣。
留言列表
