擬北京歐洲舉行追思會狄娜愛兒漸平喪母痛

【絕世奇花　 1945-2010】奇女子狄娜上周三病逝，雖然她生前意願不欲在港舉行任何公開殯殮儀式，但其助手朱小姐昨日透露，狄娜的家人有意在北京、葡萄牙或意大利為狄娜舉行追思會，至於狄娜兒子馬天如心情也逐漸平復。另外，生前足迹遍及全世界的狄娜，原來最愛的地方是香港，她認為香港夠方便之餘，食物也最新鮮。

狄娜上周三病逝，享年 65歲。由於狄娜生前最愛乾淨及害怕蛇蟲鼠蟻，故其遺體不會土葬，而是按狄娜生前意願進行火葬，然後骨灰安葬香港。

捐遺物予資料館 放大圖片

飽受喪母之痛的狄娜兒子馬天如，心情已稍為平復。

記者昨日跟狄娜的助手朱小姐取得聯絡，問她會否為狄娜舉行追思會時，朱小姐說：「香港就唔會啦，因為梁小姐（狄娜原名梁幗馨）生前講過香港乜都唔搞，但可能會喺北京、葡萄牙或者意大利舉行追思會，因為呢幾個地方係我哋公司嘅基地，但一切未定，仲考慮緊。」至於是否將狄娜的私人物品捐予香港電影資料館，朱小姐表示一切仍未決定。朱小姐透露每天都有跟狄娜兒子馬天如（ Michael）聯絡，記者問到 Michael心情是否已平復，朱小姐說：「媽媽唔喺度，佢梗係好傷心啦，但佢心情平復咗啲。」有指 Michael為避記者而飛往外地避靜，朱小姐聞言說：「我都唔知佢去邊。」狄娜另一私人助理伍小姐（ Candice）昨日被問到狄娜有否揀定陪葬品時，她說：「呢樣嘢我唔清楚，要問番佢嘅家人。」狄娜生前會否希望兒子早日成家立室？ Candice說：「佢冇提過，佢一向都係由得個仔自主。」狄娜會否恨抱孫，着兒子領養小朋友？ Candice說：「冇噃， Michael好鍾意狗仔，養咗好多狗仔，養一隻狗仔已經好大責任，何況係養一個人？呢個年代好多夫婦都係唔養小朋友 o架啦。」

狄娜最愛港美食 放大圖片

狄娜（左） 08年曾推出著作《從母到友》，而她的遺作《電影─我的荒謬》將於本月中推出。

狄娜生前周遊列國，足迹遍佈世界各地，未知狄娜在世界各地當中，最喜歡哪個地方？ Candice說：「佢最鍾意香港，又方便又快捷，啲食物新鮮又好味。喺歐洲，三更半夜想食消夜，我都唔知車佢去邊，但香港就唔同，幾夜都有得食，係空氣方面差啲啫！」採訪：林妃


狄娜與愛兒馬天如相依為命多年，馬天如有意在北京、葡萄牙或意大利為母親舉行追思會。

袁彌明五十笑百　斥狄娜賣肉羞恥
其他娛樂名人影片

袁彌明和陳敏之昨日到屯門卓爾廣場出席「復活繽紛 show」，向來敢言的袁彌明提起剛過世的奇女子狄娜，又有其獨特見解，她說：「嗰時佢好破格，六幾年就脫，觀眾眼中佢已經轉型成為才女，佢喺商界咁多年，都掩飾唔到賣肉嗰種羞恥，所以好輕易除衫、着住底褲嘅 o靚模要深思。」

曾演援交片 放大圖片

陳敏之表示最近頻接商場騷，收入不錯，更有意置業。

其實袁彌明於選美前，曾與林雅詩拍過電影《 PR Girls青春援助交際》，戲內不乏性感賣肉鏡頭。昨日問到其底線，她卻說：「細時都有諗過，遇好劇本會犧牲，家我諗住嫁人，結婚生仔，唔會喇，第時嘅老公、屋企人會點睇，我仔女上網見到會好羞恥，我底線提高咗。」袁彌明表示早前才推掉一齣性感戲，免得男友介意，她說：「戲裏面要着 bra同 T-back，我都掙扎過先推，因為係幾好嘅導演。」問她是否為了愛情犧牲機會？她說：「係呀，唔會後悔嘛。」採訪：溫敏芝攝影：彭琮然


袁彌明指狄娜賣肉，其實袁彌明出道時曾拍電影《 PR Girls》，不乏性感場面。\n

狄娜敏感專訪出生天

狄娜曾在遺言中寄語傳媒：「刀槍能夠殺人，筆墨可以救人」、「我會在另一個世界向你們揮手」，但她預計不到「傳媒可以抽水，亦可以致敬」。兩年前狄娜為有線做的一個訪問，竟要等她到了另一個世界後才得以足本播出，難免令人覺得有線有抽水之嫌。

狄娜兩年前接受有線的敏感訪問，估不到封塵兩年，在去世後才播出。

狄娜逝世，不少傳媒連日來爭相翻炒這位奇女子生前做過的訪問，有線昨日聲稱將會播出「狄娜最後的專訪」，據知是狄娜兩年前做了、但未被安排播映的訪問。有線否認此刻才播出這個塵封足本訪問有抽水之嫌，只想向狄娜致敬云云。

熱愛祖國的狄娜，對歷史地理很有研究。

剪輯不同嘉賓訪問

有線執行董事趙應春昨日在電話中說：「個訪問○八年做，主題係『中國改革開放三十年』，除咗狄娜，我哋仲搵咗好多相關知名人士做訪問，當年負責同狄娜做訪問嘅記者係呂秉權。狄娜喺個訪問講咗好多個人睇法，成個訪問好長，但當年個專題係綜合唔同嘉賓嘅訪問剪輯而成，所以唔可以將狄娜訪問原原本本播出。不過，既然呢位嘉賓言論咁大膽，睇事物又咁透徹，加上佢人已經離開咗，有線今晚（五日）播出佢原裝足本訪問，好大部分內容係從未見街，作為向狄娜嘅一次致敬。」

當年唔播因唔啱用

以言論辛辣著稱的狄娜，在訪問中曾提及中國歷代領導人及鮮為人知的經歷，包括改革開放期間際遇、做間諜為國家收集情報及經商無往而不利的秘密等敏感話題。

有線否認話題敏感而令訪問雪藏了兩年。趙說：「有線從來冇立場，亦唔考慮敏感唔敏感。狄娜喺訪問度只係講佢個人對文革變遷嘅睇法，當年唔播因為唔啱用。狄娜見證咗中國幾十年變遷，係個有分量去講呢個話題嘅人。我哋唔覺得播有咩問題，就算播都只係代表狄娜個人意見，唔代表有線立場。」

伍小姐否認外地舉行追思會

狄娜（梁幗馨）病逝後，其身後事由她的「獨子」馬天如（Michael）及其大哥、兩位妹妹及弟弟全權負責。一直心繫中國的狄娜，選擇長眠於香港，據其私人助理伍小姐（Candice）透露，殮葬儀式及追思會均在香港進行。

在狄娜身邊三十年的伍小姐表示，如要辦追思會必定在香港舉行。

連日來離港處理私務的Michael，已吩咐秘書安排母親後事，好讓他日內返港，便可於假期後的首個工作日（即後天）為母親領取死亡證，以便處理殮葬事宜。

無經典戲服供展覽

有報道指狄娜追思會將安排在北京及歐洲等地舉行，連其遺物亦考慮送到電影資料博物館展覽。追隨狄娜三十年的私人助理Candice昨日否認有這個安排：「冇咁嘅事，我冇聽過梁小姐（狄娜）嘅追思會安排喺北京、歐洲度搞，係都安排香港進行，佢家人都喺香港，好似梁小姐大哥、細佬、兩個妹都喺香港。梁小姐病時佢哋都有探佢，留喺佢身邊。至於有講將梁小姐遺物送去電影資料博物館，我喺梁小姐身邊三十年，都冇聽過佢有對邊件衫或邊件物品係好有紀念價值！況且梁小姐又唔係做大戲，亦冇咩戲服可以攞出嚟展覽，如果拍戲時候啲衫，佢好多都係自己買，經典戲服又冇。如果係一啲舊衫，又點拎出嚟展覽呢？以我覺得成數唔高。」

金漢爆劉家傑留意舊愛出書

狄娜舊愛劉家傑早年移民美國，退休後跟其子女共住，偶有時間，亦會到加拿大探望老友。其中經常與劉家傑見面的前影星金漢，最近與太太凌波返了香港。

金漢與太太凌波近日返港，對狄娜離世表示惋惜。（資料圖片）

金漢表示與劉家傑非常老友，並大爆對方有留意狄娜出書。他說：「劉家傑每次去加拿大都搵我兩公婆打牌，我哋大班人打牌時，佢表現得好開朗。（佢有冇提過同狄娜一段情？）好少提女人嘅嘢。（佢知唔知狄娜過咗身？）梗係知啦，加拿大嗰邊都隨時睇到香港消息，早前狄娜出書，劉家傑都有留意。」

劉家傑被爆有留意早前狄娜出書。（黑白圖片）

袁彌明曾想全裸演出

袁彌明昨日出席活動時，大談對狄娜病逝的感受。她指狄娜在六十年代已開始脫得破格，但在商界打滾多年也未能淡化在艷情片的形象：「觀眾眼中佢轉型為才女，依家輕易除衫只着底褲嘅o靚模要三思。」

袁彌明自嘲性格奇怪，外表open其實內裏保守。

問袁彌明會否效法狄娜為電影犧牲作裸露演出？她坦言小時候有此念頭：「細個都有諗過如果遇到好劇本好導演會犧牲，但依家諗結婚生仔，唔想第時有小朋友，佢哋一上網就見自己以前啲相，所以底線提高咗。」袁彌明又稱覺得自己很奇怪，表面開放，但其實骨子裏很保守。隨後她又自爆早前為電影試鏡，知道要穿胸圍和T-Back演出後，坦言是因為男朋友不喜歡而推卻，為愛犧牲機會。

欣宜盼長輩靜休

狄娜生前與已故沈殿霞私交甚篤，難怪鄭欣宜提起「auntie Tina」時黯然神傷，並坦言明白馬天如刻下感受。問到有否與對方聯絡時，欣宜謂：「唔想講，因為唔想製造花邊新聞，不過我同佢唔算太熟，只係希望auntie Tina依家能夠平靜地休息。」剪了一頭短髮的欣宜又透露早前花了個半月時間在美國深造舞蹈及演戲，不過感覺「唔夠喉」，稍後有時間會再進修。

馬海倫被勸多讀書

曾與狄娜於六九年拍《獵人》的馬海倫稱：「嗰時我得十六、七歲，喺戲裏面我做越南間諜，狄娜就做黑幫頭子。佢當時啲衫好低胸好性感，我覺得佢好靚好犀利，對佢好敬仰。雖然我哋只係做小角色，同狄娜冇對手戲，但佢喺休息時都好照顧我哋啲妹妹仔，問我做乜咁細個就拍戲，佢聽到我答話貪玩，就勸我哋應該讀多啲書至好拍戲。」

邵音音讚博學有禮

邵音音早年曾與狄娜合作《七彩滿天神佛》，她謂：「雖然佢早入行，但佢對我哋啲後輩好照顧，當時都覺得佢好有禮貌好有學識。大家合作完後各有各忙，好少出嚟相聚，但知道佢對個仔好緊張，專程陪佢去瑞士讀書，又怕人用奇異眼光睇個仔，自己頂晒，佢IQ同EQ都非常高，佢咁有成就，但病咗咁多年，真係好可惜。」

薛家燕健康無價

對於狄娜離世，薛家燕感觸地說：「上次我出院嘅時候，係佢（狄娜）入院嘅時候，聽到佢呢個消息，覺得健康真係無價！依家咩都唔做，休息多啲。」

另外，秦沛透過兒子姜文杰代回應：「聽到消息好愕然，唔係咁開心，唔想講咁多。狄娜真係一個香港傳奇人物、一個好叻嘅人，對佢離世覺得好可惜！」

狄娜追思會擬在港舉行

一代「奇女子」狄娜（原名梁幗馨）撒手塵寰，身後事由兒子及家人全權負責，有可能選擇長眠於香港，據知其殮葬儀式及追思會均會在港進行。

狄娜兒子馬天如（Michael）連日來離港處理私務，但愛母情切的他，吩咐秘書安排母親身後事，以便他於假期後的首個工作日（即後日）為母親領取死亡證，處理殮葬事宜。雖然狄娜遺願不想高調舉殯，但有傳追思會將安排在北京及歐洲等地舉行，遺物則考慮送到電影資料博物館展覽。對此，狄娜私人助理伍小姐（Candice）昨日否認有此等安排。

劉家傑接舊愛離世噩耗

身為狄娜舊愛的劉家傑行蹤飄忽，早年移民美國，近年退休後與子女同住，深居簡出，不過偶爾亦會到加拿大探望老友，前影星金漢便是其「麻雀腳」。最近金漢與太太凌波返港，談起劉家傑，他表示與對方非常老友，還大爆劉家傑有留意狄娜出書，他說：「劉家傑每次去加拿大都搵我兩公婆打牌，我哋大班人打牌時，佢表現得好開朗。（有冇提過同狄娜嘅一段情？）好少提女人嘅嘢。（佢知狄娜過身？）梗係知啦！加拿大嗰邊都隨時睇到香港消息，早前狄娜出書，劉家傑都有留意。」

有線今播倉底訪問抽水

兩年前狄娜為有線所做的一個訪問，被有線冠以《狄娜最後的專訪》之名，安排於今晚足本播出。有線指該訪問於狄娜離世後才曝光，是想向狄娜致敬，而非抽水！

有線執行董事趙應春昨日接受電話訪問，否認抽水之說：「個訪問08年做，講『中國改革開放三十年』，狄娜同好多知名人士都有接受訪問，狄娜講咗好多個人睇法，個訪問好長，個專輯係綜合嘉賓意見，所以唔可以將狄娜訪問足本播，既然呢位嘉賓言論大膽，睇事物又咁透徹，佢人已經離開咗，有線播出原裝足本訪問係想向狄娜致敬。」

由於狄娜在訪問中除提及中國歷代領導人外，還透露當年做間諜為中國收集情報、經商無往而不利及改革開放期間的際遇等敏感話題，專訪當時未能足本播出，問到是否因言論敏感所累？趙應春解釋有線從來沒有立場：「唔係考慮敏感唔敏感，狄娜喺訪問度只係講佢對文藝變遷嘅睇法，當年唔播因為唔啱用。狄娜見證咗中國幾十年變遷，係非常有分量嘅受訪者，訪問內容只係代表狄娜個人意見，唔代表有線立場。」