早前要去戲院排隊買飛，一票難求嘅《阿凡達》終於出 Blu-ray，雖則無 3D睇，只係純 2D版，但亦都可一慰 Fans心靈，事關屋企睇大片，點都舒服啲。軟件未 Ready，但 3D電視就陸續出場，今次到 LG Infinia系列到港，仲係超巨嘅 72吋，超大嘅屏幕睇 3D，有晒戲院感啦！記者：許福合 攝影：陳盛臣
3D勁逼真
LG到港 3D電視有兩個型號，分別係 LEX9S同 LX9550；現場感覺以 LEX9S最搶眼，大到 72吋嘅 3D電視，係香港首見，機前長期都有班「四眼」仔戴住副眼鏡，想睇吓佢有幾 3D。難怪連影帝張家輝都大讚 3D效果出色：「 3D電視就好似將 3D電影帶回家，如果我有份參與 3D電影，一定相當過癮！」講番 3D效果，個人覺得比早前市面推出嘅 3D電視更立體，雖然今次試播嘅係 3D Demo片，唔係真正上畫電影，立體效果強烈一些係正常，最正係有些立體 3D片段，有嘩一聲嘅感覺，例如一段賽車場畫面，片中人向鏡頭射水，逼真到差啲想閃避呢！
放大圖片 
■要睇 3D效果，同樣要戴番副眼鏡。
放大圖片 
■圖像化目錄，感覺好似 MP4機介面。
放大圖片 
■ LEX9S立體效果好強，簡直標咗出嚟！
放大圖片 
■ BX580售價未定，第二季度推出。
放大圖片 
■打開 3D效果時，可選擇上下、層叠等畫面顯示方式。
放大圖片 
■按下遙控嘅 3D掣，就可打開 3D效果。
配藍光機播碟快
唔知係咪 LG已覺得 LEX9S在 3D效果已經夠晒完美，設定方面，除了開關之外，基本就只有因應 Source而選擇顯示方式，包括上下、左右、層叠及畫面間隔等，唔似得其他 3D電視，可因應個人喜好，可調校 3D效果強弱，雖然係咁，但 LEX9S試落 3D效果仍應非常好，而且 72吋超巨屏幕，真係畀到電影感，試睇時不斷在耳邊聽到其他人講：「呢個得，射到埋嚟」，就知效果有幾正！LEX9S仲有其他新功能，包括無線接駁其他裝置既 Wireless AV Link，及消除殘影等，而 TruMotion 400Hz影像技術，亦令到畫面更穩定流暢。要睇 3D藍光碟，用家仍然須要配番個 3D藍光碟機， BX580就係 LG首部 3D藍光機，在配合 LEX9S睇碟時，除咗出到 3D效果外，播碟速度亦覺得相當唔錯，唔似得部份藍光機要 Load好一段時間先有畫面睇，兩部機勁夾。查詢： LG（ 3543 7777）
3D試睇 放大圖片 
■畫面中間個數字，好似飄到眼前倒數一樣。
放大圖片 
■見到佢開香檳，射過來時幾乎想閃開。
LX9550 16mm幼邊框
另一部 3D電視就係 LX9550，亦都有 55吋大屏幕，亦可顯示 3D效果，而外形更係搶鏡，有一個 16mm幼邊框，即使打側睇，機身亦都相當薄身，非常吸引，放在客廳特別覺得有品味。至於 3D效果，睇落就與 LEX9S分別不大，加上同樣有 TruMotion 400Hz影像技術，睇片真係比一般 200Hz嘅電視靚，尤其係一啲細緻度高同有層次嘅畫面，真係靚啲喎。
放大圖片 
■售價未定，今年第二季推出。
放大圖片 
■邊框只有 16mm，而機身亦係超薄設計。
■張家輝話大吋數先至有 3D戲院感覺。
留言列表
