樂基兒昨日和老公的愛將文詠珊（ Janice Man）同場，更出手幫 Janice Man造勢。原定每位模特兒獨自出場，但樂基兒待 Janice Man壓軸出場時再亮相，孖住影合照，搶盡風頭。Janice Man被指得樂基兒帶挈，不夠高也升呢行騷，但同時又被指降呢接平價街頭 job，對此她說：「冇睇（報道），高度係媽咪賜畀我。」會否努力增高？她說：「未知停止（發育）未喎，不過我都有做運動，唔會因為高度局限自己，反而搵男仔易啲。喺拍戲時搵男拍檔，香港 market高度唔一定重要，當然， model越高越靚，但 carry到啲衫、有自己 character更重要。」她又否認頂爛市狂接平民 job，表示公司有替她過濾工作，而自己稍後更會參演新片。採訪：羅慧敏攝影：陳慧安

樂基兒（左）力撐老公愛將 Janice Man，壓軸時與她雙雙出場。

JM獲厚待坐低避尷尬

被黎明封為「模Art」的Janice Man（JM、文詠珊）昨日與黎明嫂樂基兒（Gaile）行騷，身材輸蝕的Janice獲大會特別關照，完場前二人坐在椅子上擺甫士，避開與模特兒高下立見的尷尬情況。

Janice雖輸身高，但毫不打擊其信心，行騷時盡顯台型。

簽約黎明公司的Janice昨日聯同老闆娘Gaile為時裝品牌Ted Baker行騷，二人各示範三套時裝，Gaile以打頭陣及壓軸出場，盡顯一姐地位。身高只有168cm的Janice獲大會體恤，臨完場當所有模特兒出來擺甫士時，她與Gaile分別坐在椅子上，其餘模特兒則站在後面，免卻Janice與其他模特兒的身高作直接比較，避免尷尬。

Janice和樂基兒坐在椅子上，讓Janice避過與其他模特兒的身高作比較的尷尬。
易搵男拍檔

Janice對被指身材不高，因獲Gaile帶挈才有份行騷的報道表示未有留意，她稱今次是加入新公司後首度與Gaile合作，但之前二人已合作過，她認為身高由母親賜予，自己不能控制，並笑言：「唔知我呢個歲數停咗長高未﹖我唔會因為身高令工作局限而唔開心，反為我拍戲搵男拍檔都容易啲。身高喺香港巿場唔係太重要，當然愈高着得件衫愈靚，但最重要係Carry到件衫同有自己性格。（係咪Gaile帶挈先有騷行﹖）我以前都有行騷，但唔密，我同個客合作得開心就得，唔會理咁多。」

不抗拒baby

Janice稱復工後兩個月工作不斷，問到會否怕被指爛接Job時，她坦言公司會為她過濾及精選工作。提到好友Angelababy，Janice指大家工作忙未有見面，但不介意同場行騷：「點會抗拒，大家見到好開心，不過行騷係人揀我，我控制唔到。（羨慕對方喺日本發展﹖）各有各發展，唔一定話Focus邊方面先係好，邊度都要試，公司幫我Plan緊，月尾會拍戲。」工作多多的她，今日將為法國品牌Agatha擔任模特兒行首飾騷。

至於Gaile完騷後，識做地企定與Janice合照，之後便火速換衫離開，自從承認與黎明已婚的她例牌不接受訪問。

文：名人組

Janice和樂基兒（左）同場行騷，地位提升。

JM身形輸蝕以坐代Walk

加盟黎明門下的文詠珊（JM）自被封為「模Art」後，形象即「升呢」。不過，身高僅得168厘米的JM與行慣名牌騷的黎明嫂樂基兒（Gaile）同場為時裝品牌Ted Baker行騷時，身高明顯輸蝕的JM與Gaile高下立見，不過大會特意安排JM與Gaile排排坐合照，免除JM被比下去的尷尬場面！

黎明嫂樂基兒行騷後，沒有接受訪問便離去。

騷後，JM坦言身高未達模特兒標準，但身高是媽咪賜予的，自己不能控制，更反問：「唔知我呢個歲數停止長高未？我唔會因為身高令工作局限而唔開心，身高喺香港巿場唔係太過緊要，最緊要係Carry到件衫，同埋有自己性格。」JM更相信以她的身高，拍戲時更易搵男拍檔！當被問到是否因Gaile帶挈才有騷行時，JM強調：「我以前都有行騷！」提到識於微時的好友Angelababy，她說：「大家工作忙冇見面，唔抗拒同場行騷。」至於Gaile與JM合照後，隨即換衫離開，繼續謝絕訪問，而JM今日會與一眾模特兒為法國品牌Agatha擔任模特兒行騷。

身高輸蝕的文詠珊（左二）與樂基兒同場做模特兒，大會刻意安排JM坐着示範。