阿Sa（蔡卓妍）今年底正式與英皇結束十年長命約，早於去年英皇已主動與她傾續約，但阿Sa遲遲唔肯動筆，有指阿Sa是密謀和Sa爸（蔡就勝）自組公司接job，同時又主動與大陸華誼兄弟接觸，為自己開拓大陸市場。
阿Sa有毛有翼一心飛起英皇，卻在三月中被揭她早於06年已與鄭中基結婚，並已離婚收場。一日間，由少女偶像變成失婚婦人，阿Sa形象、身價暴跌，加上Sa爸在金牌大風冇女婿關照，自身難保，父女檔公司凍過水。無路可走，據知阿Sa近日局住與娘家簽多五年賣身契。
阿Sa一直是英皇最賺錢藝人之一，每年閒閒地幫公司賺過千萬，英皇當然唔想放走這隻金蛋，因此去年年中已多次與阿Sa傾續約。據知英皇最初向阿Sa提出簽五年，公司抽三成佣，阿Sa當時還價簽兩年，英皇只可抽成半。「阿Sa認為以自己今時今日地位，就算再簽新公司都一定大把嘢做，佢覺得公司抽三成佣食水深，加上要簽五年，阿Sa認為太長，制唔過。」知情人士透露。
起英皇飛腳
雙方拉鋸多時，阿Sa一味話「要諗多一陣」，與此同時她卻秘密與Sa爸構思組父女檔。「Sa爸呢幾年喺大陸搵食，建立咗唔少人脈網絡，加上有金牌大風咁大間公司做後盾，本身諗住上大陸搵快錢嘅阿Sa認為有得做。」阿Sa同時更主動聯絡大陸華誼兄弟公司，希望藉着對方的網絡拓展更多大陸市場。不過阿Sa有意離巢的舉動，最後被英皇知悉，當然大為不悅。
爆失婚身價跌
東窗事發，不過阿Sa依然冇有怕，誰知咁啱喺三月中，阿Sa俾人踢爆她和鄭中基已婚，二人更於一日之內，結婚和離婚同時公布，阿Sa身價及聲勢應聲暴跌。至於Sa爸方面，在金牌大風的職位亦有等如無，事關他一直靠黐女婿鄭中基入金牌大風，佢更帶埋旗下新女陳思彤過檔。但自從龐維仁入主金牌大風，有傳太子基勢力大幅被削，自身難保，鄭中基亦冇時間關照呢位過氣岳丈。
主動傾續約
雙重打擊，原本躊躇滿志打算飛起娘家的阿Sa，近月硬住頭皮與英皇傾續約。「阿Sa老竇冇金牌大風撐腰，單靠佢自己，大陸啲單位未必會俾面佢，華誼兄弟嗰邊又未有聲氣，阿Sa唔急就假。」據知，阿Sa和英皇達成共識，阿Sa簽五年，英皇抽兩成佣，公司亦承諾阿Sa會為她開拓大陸市場，雙方都有讓步皆大歡喜。「Twins話就話分開發展啫，不過某程度阿嬌都要靠阿Sa搵食，冇咗阿Sa，阿嬌好難做得起，阿Sa肯留低，公司梗開心啦！」知情人士說。
Mani：合約係唔同咗
對於阿Sa與英皇續約五年，英皇Mani（霍汶希）表示：「我哋一直同阿Sa合作得好愉快，冇特登傾續約嘅嘢。（阿Sa係咪新簽咗五年合約？）總之我答你仲有幾年。（續約條件係咪同以前唔同咗？）咁合約內容當然會唔同咗，不過入面細節就梗係confidential。（會唔會安排多啲大陸嘅job俾佢？）大陸market好大，會幫阿Sa開拓呢個市場，嚟緊都幫佢接咗兩個大陸嘅護膚品廣告，遲啲佢會同霆鋒上橫店拍古裝劇《劍俠情緣》，總之大把job等佢做啦！」
未續約前，阿Sa開離婚記招冇人理，續約之後，阿Sa在英皇得寵程度更勝從前，親生女果然唔同啲！
阿Sa自從被揭已婚後，被指大話精，遭網友和觀眾指摘，事業跌入低潮。最近才與英皇斟掂數再續5年約。
3月尾，阿Sa和鄭中基召開記者會，哭着承認06年結婚，同時共識達成離婚協議，阿Sa頓變失婚婦。
阿Sa與蔡就勝向來父女情深，阿Sa推出新書，Sa爸一定現身支持。兩人還打算合組父女檔開公司，但最後未能如願。
阿Sa上月初剛在北京與林峯、容祖兒和王祖藍拍罷新片《翡翠明珠》，她續約後將會拍兩個大陸美容產品廣告。
當日阿Sa還是鄭家媳婦時，在金牌任職的Sa爸雖然只是奀歌星陳思彤的經理人（圖），地位仍穩如泰山。如今龐維仁入主金牌後，有傳Sa爸地位危危乎。
淫照事件後，至今年4月，Twins才正式同台演出舉行演唱會，阿嬌更喊住重提事件：「我失去好多！」阿Sa亦喊晒口話：「我哋好驚今次係最後一次。」
有指Mani為了力挽阿嬌頹勢，不惜落足嘴頭與阿Sa傾續約事宜，務求令Twins不會拆夥，Mani亦表示現時有不少客戶斟孖妹拍廣告。
上周六（5月29日），記者就阿Sa續約英皇5年一事，問其經理人Mani，她承認阿Sa仍有幾年約，但未肯透露合約內容。
阿Sa失婚身價大跌 再與英皇簽五年賣身契
阿Sa被指大話精
阿Sa(蔡卓妍)今年底正式與英皇結束十年長命約，早于去年英皇已主動與她談續約，但阿Sa遲遲不肯動筆，有指阿Sa是密謀和Sa爸(蔡就勝)自組公司賺錢，同時又主動與內地華誼兄弟接觸，爲自己開拓內地市場。
阿Sa有毛有翼飛起英皇，卻在三月中被揭她早于06年與已與鄭中基結婚，並已離婚收場。一日間，由少女偶像變成失婚婦人，阿Sa形象、身價暴跌，加上Sa爸在金牌大風沒有女婿關照，自身難保，父女檔公司難産。無路可走，據知阿Sa近日打算與娘家英皇多簽5年賣身契。
留言列表
