明星靚相大分享☆

紅酒舖走高檔路線

周二（ 8日），本刊記者以客人身份到其紅酒舖視察，內裏只得兩名職員，其中女職員表示，紅酒舖已經營超過十年，專攻貴價酒。「我哋主要入意大利酒莊嘅酒，定時會派人去呢啲酒莊試酒，啱嘅就會大批訂返嚟。一般我哋唔做零售，君悅同半島呢啲五星級嘅酒店都有我哋批發嘅酒。」
至於 Vivian父親許兆恆，主要從事貿易生意，除炒賣豪宅單位勁賺外，早年更在星光行連買四個商業單位，兩年前趁高價售出兩個單位勁賺千二萬，現時仍持有的兩個單位，市值超過二千二百萬。

飲紅酒撻着

據知，馬浚偉和 Vivian相識超過十年，雙方因為喜歡飲紅酒而投緣，直至 03年開始拍拖。「馬仔女友真係好就佢，潮州男人零舍要面，所以 Vivian喺馬仔班 friend面前好識做，男人傾緊偈，佢就通常粒聲唔出坐埋一邊，又會夾餸俾馬仔食，成個小女人咁。因為咁佢哋好少鬧交，但試過有次馬仔發脾氣， Vivian真係頂唔順同佢分手，不過隔咗無耐，佢哋又好似冇事一樣一齊出嚟。嗰次之後，我哋班 friend都覺得馬仔脾氣收歛咗。」知情人士說。
周二（ 8日）馬浚偉現身電視城為《隔離七日情》拍攝海報，對於打算與女友拉埋天窗，馬浚偉即哈哈大笑說：「唉吔，仲未成事 o架！我都未過世伯嗰關！（你女友家底好勁喎？）佢又唔係圈中人，你哋唔好搞佢啦。（娶到佢你咪可以幫老婆打理生意囉？）吓，梗係唔好啦，佢有佢我有我，我唔想講呀，唔想影響到佢呀！」

身家蚊髀同牛髀

馬浚偉 05年重返娘家無綫，即成高層曾勵珍頭馬，每年拍劇至少兩部，而他所拍的古裝劇如《鐵血保鏢》和《滙通天下》更大收旺場，奠定一線小生地位。
直至一年前，有指馬浚偉成功冧掂陳志雲，成為陳總新寵後即有份為節目《由 1967開始》擔任旁白，又主持飲食節目《大廚出馬》。雖然馬浚偉屬多產小生，但廣告、登台收入卻遠遜其他當紥小生，單靠拍劇雞碎人工，比起女友半億身家，相距甚大。

馬浚偉

年齡︰ 39歲
學歷︰中華廠商會職業先修中學畢業
收入︰ 2010年拍《蒲松齡》、《誘情轉駁》、《隔離七日情》及擔任《大廚出馬》主持共賺 88萬。
身家︰擁有市值 900萬何文田山道加林閣業權，但 09年馬浚偉前經理人范志榮指該單位是早年二人以公司名義購入，范指自己仍擁有加林閣一半業權，二人因此對簿公堂。