一隻聲稱可收看所有世界盃賽事的「電視手指」，在深圳賣得成行成市。這隻「手指」聲稱連香港有線足球台、 ESPN等收費電視節目都可看到。究竟有冇搵笨，記者以 230元人民幣買了一隻，趁昨日世界盃開鑼交由專家測試，結果是情況並不理想。「香港有線電視搵唔到足球台，中央台與廣東台可以睇到世盃，但畫面質素差，有窒格。」易惹黑客 隨時中病毒 放大圖片 
聲稱可供收看香港收費電視節目的「電視手指」（圖）及 衞星訊號接收鑊，在深圳及旺角可輕易買到。
香港專業教育學院（沙田）電子及資訊工程系系主任趙炳權博士指，電視手指其實是一個加密鎖，市民購買時會連同一張軟件光碟，用家要先將軟件安裝入電腦，然後插入手指開啟，便可收看軟件預先選取的網上電視台節目，形式有如 BT點對點收看模式。趙博士昨晚測試手指時發覺，手指軟件內儲存有全球各地逾千個電視台頻道，包括擁有世界盃直播權的香港有線電視、 ESPN、廣東體育台、央視一、五、七台及歐洲足球頻道等，但卻無法找到有線直播世界盃的足球台，只有正在播放賽事的體育台； ESPN亦收不到。另外，手指可以收到央視五台和廣東體育台轉播世盃，但比實際賽事遲了約兩分鐘，而且「畫面好朦，有窒格。」他解釋，畫面質素視乎片段來源的解像度，若本身是高清，效果自然好些。不過，用手指看電視有如「上網睇節目，若果本身供應商的伺服器唔夠強，當同一時間有好多人同時登入，不但影響畫面質素，更隨時會出現網絡大塞車，導致 down機。」手指會令電腦的防火牆要求降低，換言之黑客可乘機入侵盜取你的個人資料；另一個危機是手指可能傳播病毒。趙博士在測試「世界盃手指」後結論是「不建議」市民使用。
訊號加鎖 衞星鑊報廢 放大圖片 
聲稱可供收看香港收費電視節目的「電視手指」及 衞星訊號接收鑊（圖），在深圳及旺角可輕易買到。
電視手指唔掂，衞星鑊又如何，本港的衞星鑊售價由 420至 2000元不等，旺角一間專門售賣衞星鑊的店東稱，鑊仔可以接收亞太 5號，中星 6Ｂ及中星 9號等三個人造衞星發出的沒有鎖碼訊號，加上轉播六成世界盃賽事的中央台，衞星鑊可以涵蓋九成以上世界盃球賽。不過，由於中央台已表明在世界盃期間加上鎖碼訊號，在港安裝的衞星鑊其實看不到該台轉播的世盃賽事。
四種方法睇世界盃
有線電視 花費：每月$298元優點：安坐家中 缺點：需簽約 24個月電視手指 花費：$230元（人民幣）優點：可收看逾千頻道 缺點：畫面質素欠佳，部份頻道看不到衞星「鑊」 花費：$420-$2,000元優點：若方向好則畫面穩定 缺點：中央台加鎖碼，訊號無法收看戲院 花費：每場$100-$200元優點： 3D立體 缺點：只有 25場賽事資料來源：《蘋果》資料室 
趙博士昨晚測試電視手指，發現用其接收的畫面質素欠佳，畫面比電視直播延遲了兩分鐘。 梁偉權攝
留言列表
