一向同記者冇乜兩句嘅 Edison，一改作風，發現記者影相，冇黑面之餘仲讚記者好嘢，咁都收到風。
HongKong, I'm back again!（設計對白）
媽咪姐手帳
獨家圖片 陳冠希秘密回港撐農夫
2010年06月11日
即將於下周三（ 16日）喺紅館開騷嘅農夫，早幾日接受記者訪問時，仲口口聲聲咁話：「陳冠希只會係座上客，唔會上台表演。我哋唔係介意，只因如果佢上台，翌日報紙嘅標題就會以佢為主。」
不過，媽咪姐就收到風，陳冠希屆時會上台演出，同農夫一齊 rap歌。事關喺周三（ 9日） Edison已經秘密回港，一落機就去咗同農夫商談到時演出嘅事宜。
嗱， Edison其他方面嘅事情就唔評論，但作為老闆呢個身份，肯同農夫玩呢招虛則實之，就的確唔話得囉。
其實農夫嘅演唱會已賣咗 9成以上嘅飛， Edison嘅神秘演出，媽咪姐就認為，佢可能係想藉今次演出，測試香港觀眾對佢嘅接受程度。加上據知佢今次返港，仲會為佢位於銅鑼灣嘅時裝店 Juicy由樓上舖變為街舖，擴充營業。聲稱以台灣為發展基地嘅佢，種種迹象顯示，似乎想再喺香港發圍。
專程由美國回港撐農夫嘅 Edison，坐咗十幾個鐘頭機仍精神奕奕，一手推行李一手講電話，不愧 CEO本色。
可能同助手溝通上有啲誤會， Edison搵咗一輪至同助手會合。
年初 Edison喺台北嘅時裝店開幕，農夫非常識做，專程飛過去恭賀老闆。
上車走人時，佢仲同記者揮手拜拜。
農夫演唱會另一嘉賓麥玲玲，周三（ 9日）亦喺廣東道一排舞室排舞，仲請咗 EO2嘅 Otto（右）做老師。 Otto大讚玲玲姐跳舞有板有眼。據知今次麥玲玲係友情客串，冇收酬勞。
唔知佢會唔會睇阿嬌套新戲《前度》呢？（設計對白）
全站熱搜
留言列表
