向來愛狗嘅森美同小儀，日前喺電台發表咗啲關於狗隻嘅言論，結果俾網民聲討！

笑說咬生殖器 放大圖片
網民喺 facebook成立群組，聲討森美嘅講狗言論。

網民喺 facebook成立群組，聲討森美嘅講狗言論。

事緣星期二（ 8日），森美小儀主持商台節目《早霸王》嗰陣，有聽眾打電話嚟話最近養咗隻八哥，同佢初生囝囝相處得好融洽，所以勸喻啲人唔好因為要養小朋友而棄置寵物。跟住森美就叫聽眾小心啲，因為狗始終係動物，唔排除會獸性大發：「有一日佢咬你個仔嘅時候，你唔好驚訝！」又舉英國最近發生嘅狐狸咬傷一對孖女嘅事例出嚟，奉勸家長小心啲。後嚟森美諗住搞吓氣氛，就叫聽眾小心隻狗會咬 BB嘅屁股同生殖器官，仲邊講邊笑：「我唔知你屋企個飲水樽係咪咁，我屋企以前隻狗個飲水樽一截長咗出嚟，嘩！點解隻狗搞我個仔 o架？」森美原本都係想搞吓氣氛，點知辣㷫咗班愛狗嘅網民，仲喺 facebook成立群組，要求森美慎言同停止發表曲解狗隻嘅言論㖭。森美小儀之前都賴過嘢，仲搞到俾商台處分，睇嚟佢哋以後都要小心啲講嘢嘞！


森美原本想喺節目度搞吓氣氛，結果俾網民群插。　資料圖片

森美 亂噏 狗咬 B 網民 聲討

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄