明星靚相大分享☆

有「翻版徐子淇」之稱的傅嘉莉（Kelly）近日成為模界小富婆，工作不斷之外，更深得泰國及內地廣告商垂青，接廣告接到手軟。不過早前她到泰國做廣告代言人時，卻遇上紅衫軍火燒商場，鑑於街外火燒熱辣辣，Kelly惟有留在拍攝現場除衫歎冷氣！

傅嘉莉稱為廣告行性感沒所謂。

Kelly早前以代言人身份，到泰國為護膚品牌NIVEA拍廣告，不過此行她卻相當濕滯，遇上紅衫軍火燒商場，最終令她只能工作，不能外出，她說：「今次遇到紅衫軍，真係第一次咁驚，我平時都會去Central World行街，估唔到佢哋咁激！我知當時出面好危險，所以只係留喺酒店同工作，不過都出咗去一陣睇吓！見到商場燒晒，我都好唔開心，真係好震驚！」

男女玉帛相對

廣告中的她穿着性感坐在床邊，她說：「個廣告講我坐喺床邊食維他命丸。我平時只會喺屋企咁樣着！自從去日本casting過幾次，同男女模特兒一齊着泳衣玉帛相對幾次，先開始習慣性感啲！」

於泰國適逢紅衫軍示威，傅嘉莉惟有留在室內上網。

背後的Central World商場被火燒毀，Kelly感到非常心痛。

傅嘉莉憑清純形象獲廣告商垂青。

降低性感底線

問到她的性感底線？她說：「我係一個好傳統嘅女仔，不過依家開始明白，為工作需要，都會降低少少底線，好似今次拍廣告，拍得健康性感係冇問題。」

另外，據知她憑着清純外形，獲片商賞識，即將再到泰國拍片做女主角？對於此事，她說：「唔知道！有咁嘅事咩？」十分口密。

文：名人組