父母雙亡　男友打罵　Rainbow 師妹 Ar Yu 半透出擊忽然1周 776期 @ 明星靚相大分享☆

半透誘惑
Rainbow收起性感，但擁有 32D的 Ar Yu曾寶玲，在宿霧拍攝寫真集時就相當拼搏，她竟夠膽穿起白色比堅尼，一個出水芙蓉甫士，令泳褲呈現半透誘惑，惹人遐想。但寫真出街版本，半透效果已用電腦執走。

姓名：曾寶玲
生日： 1989年 5月 13日
出生地：潮州
三圍： 32D、 24、 33
身高： 5呎 6吋
學歷：中五畢業
工作：曾任產品推銷女郎和私影女。

娛樂頂點

父母雙亡　男友打罵　 Rainbow師妹 Ar Yu半透出擊

2010年06月11日

今年有 35位 o靚模出寫真，個個「來勢胸胸」，務求搶閘而出，名利雙收。由 Rainbow（胡心諾）及 5位新鮮 o靚模組成的 Donut（冬甩）更率先於過去周日（ 6日）打響頭炮。當中以 32D的 Ar Yu曾寶玲最為搏命，她除了瞓身全裸外，更以半透泳衣出擊，務求俘虜全港宅男。
Ar Yu第一次拍寫真就去到盡，皆因自小父母雙亡，中五畢業後情傾廚師男友，希望有人愛錫，可惜卻不時被男友打罵，相當坎坷。 Ar Yu痛定思痛，決定寄情事業，為自己殺出一條血路！

去年靠 34E豐滿上圍上位的 Lavina，近期因被 23歲富婆照起，推 job拒拍寫真而被公司（ HK Model House）雪藏。沒有 Lavina壓場， Rainbow即連同五個「冬甩」師妹何嘉兒（ Sweet）、朱裕琳（ Caroline）、許麗燕（ Irene）、劉瑋欣（ Vilian）和曾寶玲（ Ar Yu），到宿霧拍攝《 Summer Dairy》寫真集，搶先推出市場，食盡先機。
在寫真中，已上位的大師姐 Rainbow最為密實，但幸好有師妹 Ar Yu瞓身力搏，才令寫真增加睇頭。 Ar Yu除了在牀上激裸外，拍攝沙灘照時更着白色半透泳褲，令她的人氣急升，鋒頭直逼「浸大 E神」楊梓瑤（ Carol）。

帶住師妹 Irene（左）、 Ar Yu（中）及其他三位新 o靚模再戰寫真的 Rainbow，因要轉型當歌手，故收起性感，成為最錫身的一個，永遠三點式加件外套，睇頭大減。

為求出位的 Ar Yu，一度想連上身泳衣都唔要，只用雙手遮胸。最後經眾人勸服，明白美感為重，毋須過激，她才收回一絲不掛的出位念頭。

最激冬甩妹<br/>童年喪失雙親的她，為掙扎求存不惜一切，故她是六個冬甩妹中，唯一肯影全裸相的一個。
最激冬甩妹
童年喪失雙親的她，為掙扎求存不惜一切，故她是六個冬甩妹中，唯一肯影全裸相的一個。

打到周身瘀

Ar Yu咁搏，因為她明白改善生活就要靠自己。她 13歲喪母， 16歲喪父，對於一個小女孩來說，是一個很大的打擊。 Ar Yu哀傷地說：「媽咪好努力搵錢，幾經辛苦先買咗依家粉嶺個居屋單位，以為可以一家人開開心心一齊住，點知冇耐佢就積勞成疾，患心臟病過身。而爸爸因為氣管有事， 3年後都離開咗。好彩我屋企仲有四個哥哥、一個細佬，哥哥對我好好，好照顧我，但始終搵食艱難，所以我讀緊書已經開始做 model搵錢。」
由於缺乏家庭溫暖，因此阿 Yu渴望拍拖，兩年前便經朋友介紹下認識現時廚師男友。當 Ar Yu以為有男朋友愛錫，怎料男友不時對她拳打腳踢，令 Ar Yu每日活在痛苦恐懼中。知情者說：「 Ar Yu個男朋友好變態，脾氣又差又唔做嘢，日日暱埋係屋企，又成日要 Ar Yu去佢屋企過夜。我哋問 Ar Yu有冇俾錢貼仔，佢都唔認，但佢男友半年冇嘢做，有冇貼你自己諗。兩星期前 Ar Yu先喊住同我哋講，話男朋友又打佢，打到佢背脊瘀晒。」
對於被男朋友粗暴對待， Ar Yu起初極力否認，不過當記者提到有人曾目擊她的瘀傷時，她苦撐說：「……係，不過好少事啫，我都無乜嘢。（佢成日打你？）唔……唔係。（點解唔分手？）唔知，唔好再問啦！」記者問其經理人 Admond知否 Ar Yu被男友暴力對待，他說：「雖然感情事我理唔到，如果拍拖唔開心我會勸佢分手，其實我之前已經計劃租層樓俾幾個 model一齊住， Ar Yu會係其中一個。」

出 o靚模寫真前，搏命搵錢的阿 Yu唔單止拍廣告，仲做埋街頭宣傳女郎，通街派傳單，着住高踭鞋派足八小時，當時她月入約一萬元。

樂做內衣模

Ar Yu坦言狂晒事業線擺誘惑甫士只為餬口，賺夠錢就收手。

據知 Ar Yu決心離開男友，寄情事業。只有中五程度的 Ar Yu，坦言兩年的模特兒生涯是她維生的出路，故為銀，她不怕社會的奇異目光，目標要成為出色的內衣模，她說：「人哋覺得着比堅尼影相同內衣行 Show好尷尬，但我唔覺得有問題，唔通唔露就代表高貴咩？其實好多外國模特兒都係咁啦，況且呢類模都好搶手，好多機會！」
Ar Yu加入 o靚模行列初期，曾為不少品牌當過產品推銷女郎，逢周六、日和公眾假期，她便在行人專用區穿上制服，拿着產品向途人介紹。但這類推廣往往吸引不少「龍友」埋身搭訕和影相，令 Ar Yu不時被抽水，「雖然做推銷女郎收入幾好亦唔辛苦，但就成日有鹹濕佬走埋嚟影相，佢哋有時會摸住我臀部，有啲攬住我條腰，但我從來都唔夠膽推開佢哋。有次我玩 msn，有個網友仲 send咗一張露械相俾我，好變態！不過為咗搵食冇辦法，惟有自己小心啲。」 o靚模表面風光，實際有苦自己知。

直擊慳妹生活
慳妹買平 Bra

唔介意公開自已慳家生活的 Ar Yu，本周一（ 7日）出席完活動後便到銅鑼灣的女人街入貨。原來 32D的她都只係用幾十蚊有交易的平 bra， Ar Yu說質素唔重要，最緊要合乎慳家原則。

轉三程車返歸

由銅鑼灣返粉嶺寓所， Ar Yu要搭港鐵再轉火車，之後再搭一程小巴，相當頻撲。

12蚊醫肚

屋企無人煮飯，慳得就慳的 Ar Yu，在屋企樓下買個 12蚊盅頭飯充飢，「慳得一蚊得一蚊，因為我想蓄多啲錢，快啲搬出去自己住。」

蝸居擠六口

Ar Yu急求獨立，原因是她現時與四個哥哥一個細佬同住，一家六口擠在只有五百呎的居屋，毫無私人空間。

師姐師妹出位

在去年爆發的 o靚模寫真戰中，除周秀娜外，當時三位一體的 Rainbow、 Lavina及 Monique亦屬進取一群，三人所屬的 HK Model House是城中出位的 o靚模公司，旗下 model不單經常成為新聞人物，去年推出的 o靚模寫真《夏之盛放》（左圖），亦搶閘在書展前推出，創出賣萬八本佳績，今年推出的《夏之日記》（右圖）照舊搶飲頭啖湯，博突圍而出。