豐田 2011款 Camry脫胎換骨,外形又潮又有型,在新車到港前,富記就返咗另一款 Camry Hybrid同你賀中秋。咪以為呢架經典中價豪王好老餅,實情係配備電摩打混能引擎,兼有全電動豪華設備,配埋珍珠白冰皮外殼,大班坐上去都話嘆。記者:徐影龍攝影:陳陶鈞Model: Hidy@GME ModelsHair: Green@ching.g服裝: VivaLaDiva

混能偈夠力夠靜 放大圖片
■順行山路,混能引擎全無噪音,靚女 Hidy話好 Enjoy車廂嘅寧靜。

■順行山路,混能引擎全無噪音,靚女 Hidy話好 Enjoy車廂嘅寧靜。

豐田頂級大班車有 Crown,對落仲有呢架中價車王 Camry。至於富利堡啱啱返嘅 Camry Hybrid,論款雖不及嚟緊嘅 2011版咁有時代感,不過特大電鍍鬼面罩同霧燈,外加金屬底珍珠白「冰皮」車身,亦令 Camry Hybrid經典之上加添唔少新潮味。In咗嘅唔止車身,動力方面除一副 2.4L直四引擎,再配搭多一台 40匹電摩打,整體馬力達到近 190匹,慳油低廢氣撐藍天之餘,踩油起圍亦比以前更爽更爆,就算由超級大斜炮台山道直飛畢拉山,全車 Full Loading一樣有氣有力,停車起步完全毋須 Hand Brake防溜後。最重要係豐田混能偈夠無敵,撻匙開車完全無聲,順住山路用電摩打行駛,車廂無引擎聲夠寧靜。混能版雖比普通電油版貴十幾萬,但唔好計住揸幾耐先翻本,單單每次都帶畀你寧靜優閒嘅旅程,呢點已經係無價。

放大圖片
■除電鍍鬼面罩同霧燈,最搶眼仲有珍珠白外殼。

■除電鍍鬼面罩同霧燈,最搶眼仲有珍珠白外殼。

放大圖片
■低斜 C柱由車頂延至尾部,令車形更為流線。

■低斜 C柱由車頂延至尾部,令車形更為流線。

放大圖片
■近 190匹馬力,東廊加速令人感到相當爽快。

■近 190匹馬力,東廊加速令人感到相當爽快。

放大圖片
■車腰長長電鍍飾邊,加埋一大個 Hybrid字,夠新潮。

■車腰長長電鍍飾邊,加埋一大個 Hybrid字,夠新潮。

 

放大圖片
■唔只司機位,連隔籬乘客位都有電動角度調校。

■唔只司機位,連隔籬乘客位都有電動角度調校。

內櫳佈局真係幾「經典」,仿木紋物料充斥車櫳,由波混、首飾箱、門側到軚盤都見到,加上銀底暗紋中控台,坦白講,廿零歲後生仔可能會嫌老餅,但 70後豐田車迷一定鍾意。唔好俾佢老成設計誤導,車內有大量最新電動豪華設備,如電動轉向頭燈、前排兩座位都有電控椅、 Keyless撻車、冷氣凳、後排獨立冷氣、超型錶板顯示同電動太陽簾等。我就最愛座椅皮料,有着 Lexus LS級數嘅軟熟舒服。稍為不滿係欠缺電天窗,好彩車頂夠高,令內櫳不致會侷促。

放大圖片
■錶板設計頗具時代感,連耗油都有即時顯示。

■錶板設計頗具時代感,連耗油都有即時顯示。

放大圖片
■座椅皮料頗為高級,有着凌志級數嘅軟熟舒服。

■座椅皮料頗為高級,有着凌志級數嘅軟熟舒服。

放大圖片
■車廂佈局有傳統 Camry味道,仿木紋飾件增添不少經典氣息。

■車廂佈局有傳統 Camry味道,仿木紋飾件增添不少經典氣息。

放大圖片
■輕觸式屏幕可駁藍芽電話,仲可播手機嘅歌。

■輕觸式屏幕可駁藍芽電話,仲可播手機嘅歌。

 

Toyota Camry Hybrid

引擎: 2,362cc直四馬力: 147ps/6,000rpm扭力: 190Nm/4,400rpm電摩打: 40ps傳動: 5速自動波箱售價:約$35萬(未連稅)查詢:富利堡( 2877 6700)

arrow
arrow
    全站熱搜

    stacylife 發表在 痞客邦 留言(0) 人氣()