與 William分手後， Baby大把人追，其中有 Avex社長松浦，以及富豪第三代林建岳個仔林孝賢。前者甚至緊張到四圍打聽 Baby的感情狀況。
封面故事
撇陳偉霆拒林孝賢　 Angelababy情傾日本經理人
2010年01月22日
下月將滿 21歲的 Angelababy（楊穎）與 24歲的陳偉霆（ William）緋聞傳足 5年，隨着兩人人氣勁升，去年底雙方因工作太忙致濃情轉淡， 5年情畫上句號。
據知 Baby日本公司 Avex46歲社長兼老闆松浦勝人，一早已對 Baby有好感，當他得悉 Baby回復單身後即發動攻勢狂追，除安排 Baby長時間留日工作外，更送花兼狂 send sms，令 Baby心郁郁。同一時間，麗新集團林建岳 29歲長子林孝賢（ Lester）亦加入 Baby爭奪戰，去年聖誕節前更專程赴日本會佳人，可惜被 Baby拒愛，無功而還。兩男相較之下， Baby明顯情傾松浦。
又靚又 sweet的 o靚界女神 Angelababy，唔只迷倒香港宅男，連日本公司 Avex社長松浦勝人亦一樣嗒晒糖。據知松浦一向留意 Baby，去年 5月 Baby簽約成為日本 Avex旗下藝人時，松浦興奮到在自己嘅 blog放上與 Baby合照，還激讚她「好可愛」。


William：我哋好耐冇見！（真實對白）
 
林孝賢
 
佢好可愛！（真實對白）
濱崎步舊男友 46歲松浦勝人

日本租屋俾 Baby
簽約後， Baby經常要到日本工作，體貼的松浦更為 Baby在日本港區廣尾租了一個貴價 apartment給 Baby居住，方便她休息，對她非常照顧。知情人士說：「當時松浦已經對 Baby有意，但佢知道 Baby同 William一齊，所以一直唔敢追。直到去年底， Baby同 William分別同記者講好耐冇見對方，又話對方只係朋友，咁係人都知佢哋分手！之後松浦就好緊張咁搵人打聽佢哋係咪真分手，確定之後就狂追 Baby。」
46歲的松浦為接近 80後嘅 Baby，更安排 Baby長時間到日本工作，增加相處機會，藉此打破年齡障礙。在剛過去的聖誕節， Baby就在松浦安排下赴日本工作。而 Baby留日期間，松浦除探班外，又做領隊帶她周圍享受美食。之後又不斷向 Baby狂 send溫馨短訊，送花冧佳人。
知情人士說：「其實 Baby一直好尊敬松浦，覺得佢好叻，幫佢搵到好多日本工作。開頭佢真係冇諗同社長發展，不過近排松浦猛烈追求， Baby態度亦開始軟化，但佢哋就仲未一齊。」


松浦晒合照
去年 Kama與 Baby兩個 o靚模爭住加盟 Avex，最後松浦睇中 Baby，還大讚她好可愛，松浦還在自己網誌放上與 Baby合照。
 
日本過聖誕
去年聖誕身在日本的 Baby不單有松浦陪慶祝，連林孝賢也專登在聖誕前飛到日本冧 Baby。而 Baby在 blog中亦透露聖誕在日本度過。
 
挨住 Baby
記者發現 Baby嘅 blog上，有一張去年 10月與松浦在日本的飯局相。交遊廣闊的松浦還邀請房祖名、中村獅童（中）及好友林建岳作客。拍照時 Baby與松浦更挨埋一齊，非常親密。

林孝賢爭 Baby
除了松浦狂追 Baby，家族擁百億身家的林建岳大仔林孝賢亦加入戰團。據知松浦與林建岳極為老友，年前 Avex旗下藝人濱崎步來港開演唱會，就由林建岳的公司主辦，林建岳當時還親身接待這位日本天后，身為林建岳大仔的林孝賢亦因此而認識松浦。「林孝賢除咗識松浦，其實都識咗 Baby幾年。之前佢都冇乜留意 Baby，但 Baby愈大愈靚，搞到林孝賢忍唔住追佢。舊年聖誕前，佢仲特登去日本探 Baby。以前林孝賢去親日本都住銀座區嘅 Seiyo酒店，但佢今次特登住六本木區嘅 Ritz Carlton，嗰度離 Baby屋企只係十幾分鐘車程。不過 Baby唔多領情，搞到林孝賢好冇癮，平安夜就返香港參加老死楊其龍搞嘅派對。」


林孝賢為親近 Baby，去年聖誕放棄住開的銀座 Seiyo酒店，改住六本木的 Ritz Carlton（圖），為方便約會住在附近的 Baby。
 
追唔掂 Baby的林孝賢（右），去年平安夜惟有返港出席老友楊其龍搞的聖誕派對。《壹週刊》圖片
 
一聽到松浦社長同林孝賢追 Baby， William好像一點也不愕然的說：「佢咁靚女實大把人追。」
 
本周二（ 19日）， Baby接受訪問時，拒認被松浦勝人和林孝賢狂追。

Baby：我尊重社長


訪問暗示分手
William與 Baby的 5年情至去年底正式玩完。早前 Baby接受有線會客室訪問時，改口風稱 William只是她的朋友，又說：「講分手真係好難」，暗示她撇 William。

本周二（ 19日）晚 Baby到會展為「香港青年時裝設計家創作表演賽 2010」擔任主持。對於被兩男狂追，她例牌否認：「絕對冇咁嘅事。社長係我好尊敬嘅人，我唔覺佢特別照顧我。社長好忙嘅，就算我成日去日本做嘢，亦未必次次都見到佢。因為日本有經理人同全隊 crew幫我，唔使次次勞煩佢出動。」至於林孝賢聖誕前特登飛日本會她一事，她說：「傳我同佢，我覺得好奇怪，因為嚴格嚟講，佢係我朋友嘅朋友，我哋係有見過面，但一句偈都冇傾過。」問到和 William現時關係， Baby又大耍太極：「我哋一直都係朋友，冇變過。」
本周三（ 20日）記者致電林孝賢，問他去年底聖誕前是否曾到日本會 Baby，他說：「冇啲咁嘅事。（你同 Baby咩關係？） sorry呀，我依家喺英國公幹，唔方便再講。」說畢即匆匆收線。
William：戥佢開心
至於 Baby舊愛 William得悉前緋聞女友被兩男狂追，他即大方說：「你講我先知，不過聽到都戥佢開心，咁靚嘅女仔冇人追就過分啦！（會唔會問吓佢？）根本唔使問，永遠都有好多報道，我每次都問咪好忙？有人追佢都好正常，又唔係佢追人。（你同 Baby有冇聯絡？）有，不過佢成日唔喺香港，我哋已經好耐冇見。」


William惹桃花
Baby在日本發展其間， William一樣惹桃花。去年他跟歌手 G.E.M拍戲，不久即傳女方力追他。《蘋果日報》圖片
 
雖然無咗 Baby，不過 William去年工作大增，有不少進帳。本周二（ 19日），記者發現 William（圈）換了部價值 40萬的 Audi TT，絕對升呢！

松浦與愛將多緋聞
現任 Avex社長的松浦勝人（ Max），曾在地鐵開過 CD舖及當唱片營運。 1990年與 9個朋友合伙開辦 Avex唱片公司，替老牌藝人松田聖子做宣傳策劃，直至捧紅濱崎步，松浦事業才推上高峰。松浦 03年雖跟日本時尚離誌《 VIVI》模特兒畑田亞希結婚，育有一子，但婚前婚後都跟 Avex旗下一姐濱崎步及鈴木亞美傳緋聞，仲搞到兩個女人為他爭風呷醋。

濱崎步
十年前步姐乃松浦一手發掘，未幾兩人便傳出緋聞。縱然 02年步姐跟長瀕智也拍拖，但她與松浦仍保持親密戰友關係。 04年， Avex高層內訌，搞到松浦要劈炮，步姐出言力撐松浦，講明會共同進退，未幾松浦回巢坐正社長位。 08年日本雜誌《 Flash》及《 Bubka》刊登二人多年前在松浦家中的接吻相，證實兩人當年戀情。

鈴木亞美
06年松浦傳與旗下半紅不黑的鈴木亞美搞婚外情。雖然鈴木唱片唔賣得，但松浦仍大灑金錢力捧及讓她出席「紅白大賽」，搞到緋聞舊愛步姐發火，講明「紅白大賽」有佢無我。 07年有傳鈴木父母到處向親友炫耀，女兒將成為 Avex社長夫人。

日本工作多
Angelababy未簽約日本 Avex前，已在當地發展了一段時間，是時裝品牌和潮流雜誌的寵兒。去年五月 Baby正式加盟 Avex後，公司立即為她安排出席大型活動，及一連串工作，令 Baby鮮有在港露面。

2009/09
為日本大型時裝展「 Tokyo Girls Collection A/W」行 Catwalk。

2009/10
Baby代表時裝品牌 Suzuki Takayuki，在第九屆東京時裝周擔任模特兒。

2009/11
獲日本人氣樂隊 REMIOROMEN邀請，擔住新歌〈從戀之予感開始〉和〈花鳥風月〉的 MV女主角。

2009/12
接拍多個大型品牌廣告，但詳情有待官方公布。

2010/01
為《 Glamorous》，《 Nylon Japan》和《 Sweet》等日本雜誌拍攝。 Baby在《 Sweet》中更以柯德莉夏萍的造型出現，扮演得維肖維妙。 


Baby多戀事
北京搭上黃曉明
去年 9月與 William感情危危乎的 Baby，傳出在北京工作其間，透過朋友認識內地小生黃曉明。兩人更相約內地富豪在北京唱 K，有傳當晚黃曉明火速溝掂 Baby，二人在唱 K途中失蹤 2個小時。

與鄭中基暗交
傳完黃曉明，轉頭又傳出 Baby與合演《花田囍事 2010》的鄭中基因拍戲而撻着，在片場出雙入對，更指男的背住阿 Sa跟 Baby暗交兩個月。

同門師弟有 feel
09年 5月， Baby與同門師弟中英混血兒 James Parry在巴黎拍婚紗廣告時傳出緋聞，有指 Baby主動上房與 James談心。









 

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(1) 人氣()

    E-mail轉寄