本周日（ 18日）晚上 7時半， Suki相約楊天命（右）到銅鑼灣冠景樓為老公 Kenny的食肆新舖睇風水。"
搵楊天命擺雙龍吸財陣 徐淑敏產後狂接 Job
2010年04月23日
徐淑敏（ Suki）上周四（ 15日）和老公黃浩（ Kenny）剛為愛女黃心瑤（ Vianna）慶祝滿月，想不到極速修身的 Suki已急不及待狂接 job，除了在下月 9日出席母親節活動外，還有四個廣告正在洽談中，認真豬籠入水。
據知，除了 Suki旺外，連帶老公 Kenny亦在 6月尾連開四間食肆。喜事接二連三，全靠楊天命在他們的清水灣松濤苑豪宅擺了雙龍吸財陣和風生水起陣，令一家旺丁又旺財。
本周日（ 18日），本刊更拍得 Suki跟 Kenny相約楊天命為食肆新舖睇風水，記者問 Suki家中是否擺了吸財陣，她直認：「我坐月就有好多人搵我做嘢，可能同屋企風水好有關。」
徐淑敏為愛女 Vianna擺滿月
徐淑敏搵楊天命為老公新舖睇風水
真係人財兩旺！（設計對白）
徐淑敏（ Suki）上月 15日，為飲食界才俊 Kenny誕下愛女黃心瑤（ Vianna），上周四（ 15日）囡囡滿月，夫婦連同雙方家人相約到 K11的「漁喜」食飯慶祝。當日所見， Suki身材已差不多回復未生前狀態，難怪本刊收到消息指 Suki下月 9日便復工，出席一個母親節活動。 Suki坐月期間更有纖體、日本時裝、奶粉及尿片廣告商邀她拍廣告，現時正由 TVB代為傾談。據知 Suki出動活動嘅酬勞約 5萬，拍廣告則收 30萬，如果全部落實，短短一月便袋 125萬，認真和味。
本周日（ 18日）晚 7時半， Suki跟 Kenny再次出動，相約楊天命到銅鑼灣冠景樓為老公 4間新食肆睇風水。三人進入冠景樓半小時便落樓，之後楊天命攞住羅庚在樓下指手劃腳。三人睇完風水後，再到附近的西苑晚飯。
老公一千萬開四食肆
記者趁機上前訪問 Suki，她亦大方坦承除出席母親節活動外，確有不少廣告商找她，「我請假請到九月，公司好好，暫時都係幫我接啲搵錢活動同廣告，唔會太辛苦。到 9月放完假， BB都有半歲大，如果公司安排拍劇都冇問題，一切等公司安排。」記者問她是否找楊天命為她擺陣吸財，她承認：「係呀，我坐緊月都有咁多工作，可能同屋企風水好有關！（擺咗咩陣）你問楊師傅啦！」
同行的楊天命解釋，他替 Suki清水灣松濤苑豪宅擺了三個風水陣，包括旺財陣、健康陣和化病陣，「其實佢哋間屋本身風水已經好好，背山面海，我只係喺財位，即書枱向大廳位置擺咗一對金龍吸水，水為財，吸水即係吸財。另外又喺車房正門掛咗個金鈴，保佢哋全家健康。我仲喺衣帽間同主人房放咗個音樂盒，幫佢哋化病。」
除了松濤苑， Kenny亦找楊天命替其新食肆睇風水，「我舖頭有一萬呎，月租 20萬，我會投資 1千萬開四間食肆，包括一品花雕雞、沙茶牛肉火鍋，鮨久（日本料理）及牛割烹（牛料理）。今日就同天命商量點裝修，暫時佢幫我睇咗旺丁位做火鍋，旺財位就做日本菜。」楊天命補充說：「佢舖頭廚房係財星位，廚房旺即係生意好，所以應該唔使大執。」
楊天命經常助圈中名人搵風水屋，早前就為周潤發在貝沙灣搵了一間 2.3億的獨立屋。
Kenny由台灣引入的「一品花雕雞」，該店在台灣相當有名， 08年吳彥祖曾相約林熙蕾到該店撐枱腳，因而傳出緋聞。
囡囡似龍蝦
老公事業大展拳腳，記者問 Suki是否趕復工而極速修身，她解釋。「大肚時有朋友話我似肥師奶，所以生完每日都磅重，因為我開刀唔食得太補嘢，所以都係飲雞湯、食薑醋、菜同埋魚，食得比較清，加上我又餵人奶，所以瘦得好快，試過一日輕成 2kg。我最肥嗰陣有 135磅，依家 109磅，比未生前重咗兩磅咋！」
初為人母的 Suki表示，湊女絕不辛苦，所以希望盡快再生，講起囡囡， Suki表示：「可能佢仲未識得駁嘴，唔會激氣，只係肚餓嘅時候會喊得大聲啲，其他時間都好乖咁瞓，夜晚都係餵兩次夜奶。」老公 Kenny亦興奮說：「佢已經識講嘢，依家成日叫「哎吔」，花名就叫「龍蝦」，因為佢手多多成日郁嚟郁去，瞓覺時隻手好似龍蝦咁，可能因為 Suki去澳洲度蜜月時食咗太多龍蝦！」 Suki見老公講到眉飛色舞就笑住話：「佢一講個女就開心 o架啦！」
Kenny又透露自己有幫手湊女，但就俾愛女搞到嘔，「佢成日都蝦我，有次我幫佢換片，佢竟然一邊換一邊屙，臭到我頂唔順去嘔。」此時楊天命笑住搭嘴：「心瑤條命係蝦爸爸錫媽咪 o架！」問到 Kenny會否跟囡囡一家三口拍廣告，他說：「唔好啦！我唔慣對鏡頭，至於 BB就等媽咪決定啦！」楊天命則說：「 BB由三歲開始行幾年名氣運，可以拍廣告。」 Suki聽後就說：「哈哈，咁就到時再算啦！」
擺滿月爭錫 B女
上周四（ 15日） Suki和 Kenny到尖沙嘴 K11的「漁喜」為囡囡黃心瑤慶祝滿月，愛女如命的 Kenny不時抱着 BB錫錫。
Suki亦母愛大發，不時抱着愛女咀嘴，相當溫馨。
當晚食飯期間， Suki親自為 BB開奶及餵奶，事後她表示囡囡相當為食，「佢依家一日食 7餐，每次食 4安奶，有時會食 5安㖭！好彩楊天命話佢將來會高高瘦瘦，所以唔擔心佢會變肥妹。」
全家福
當晚飯局 Kenny父母及家姐（左）都有出席， Suki說 Kenny家人都視囡囡為掌上明珠，「奶奶日頭負責照顧囡囡，成日抱住佢，唔捨得放手 o架！老爺同姑奶就負責陪佢玩。」
當晚 Suki一家亦有出席外孫女滿月飯局。離開時由於囡囡有家人照顧， Suki和 Kenny可以放心先行一步。
銅鑼灣新舖睇風水
Kenny新舖
Suki和 Kenny先帶楊天命到一樓新舖，之後再到樓下，楊天命一邊攞着羅庚一邊向 Suki和 Kenny講解。
食飯睇圖則
睇完風水，三人到了西苑晚飯， Kenny和楊天命拿着舖頭的圖則研究， Suki則負責點菜。
解構風水屋
本刊在 Kenny放在 facebook的家居照中，發現楊天命所指的雙龍吸財陣。根據楊天命解釋，雙龍要放在大廳的書枱上，底下要放紅色物品（用 100元代替亦可），龍頭要望向窗外大海，以收吸財之效，另外前面再加風扇，就可以做到風生水起的效果。
雙龍吸財陣
風生水起陣
徐淑敏産後狂接工作 找風水師擺雙龍吸財陣
徐淑敏産後急于開工賺錢
徐淑敏(Suki)4月15日和老公黃浩(Kenny)剛爲愛女黃心瑤(Vianna)慶祝滿月，想不到極速修身的徐淑敏已急不及待狂接工作，除了在下月9日出席母親節活動外，還有四個廣告正在洽談中，十分博命。
據知，除了徐淑敏事業旺外，連帶老公黃浩亦在6月底連開四間餐廳。喜事接二連三，全靠風水師楊天命在他們的清水灣松濤苑豪宅擺了雙龍吸財陣和風生水起陣，令一家旺丁又旺財。
留言列表
