明星靚相大分享☆

無綫每次有新劇，必定喺網上掀起討論旋風，早前嘅《鐵馬尋橋》就好多人討論邊個演得好邊個演得差，但估唔到連森美小儀主持嘅《千奇百趣香港地》，都有好多網友喺tvb.com討論區留言，不過唔係討論森美小儀邊個做得好，而係搞咗個網上山寨版《千奇百趣香港地》，重圖文並茂添。

唔睇都唔知，原來香港地真係有好多地方，大家平時或者唔會留意，但就有啲好騎呢古怪嘅場景，好似有網友話喺香港筲箕灣耀興道，有個安全島嘅兩個燈箱好得意咁分開咗，大圍火車站有個指示路牌嘅箭嘴叫人向前行，不過前面根本冇路行。呢啲嘢大家平時可能唔會為意，但睇番都幾搞笑，唔怪得《千》節目都有25點收視啦。其實無綫應該搞多啲呢類型節目，等大家可以認識多啲週邊事物，呢啲咪叫通識囉。




tvb.com討論區，有網友搞咗個網上山寨版《千奇百趣香港地》，重圖文並茂添。


有網友重呼籲其他網友，如有乜? 發現歡迎提供資料及留言。


大家唔睇都唔知，大圍火車站個指示路牌箭嘴叫人向前行，但前面要人跳天橋……咁點樣行呀？


大家如果行經筲箕灣耀興道，有冇見過安全島係咁樣呢？


如果唔係有網友報料及提供埋照片，大家都幾難會睇到呢啲咁得意嘅設計。


通常大家都唔會留意呢啲層數嘅數字，呢啲中文寫法廿二，阿拉伯數字21嘅分別。


有網友非常細心，就連錯字都即時搵埋解釋，證明《千》呢個節目真係有好多人留心睇。