嫁入豪門兩年多的黎姿（GiGi），去年七月為丈夫馬廷強誕下孖女家蔚和家鎂。由於細孖出生時因不足磅而留院；故產後的她一直積極進補，每日輪流食花膠、冬蟲草和燉雞湯等，養好身體，產後一直堅持以人奶餵孖B。

主力相夫湊女的她，連月深居簡出，更有一套獨特資優教授方法，除英語外，更每日播法文童謠，鍛煉孖女的語言能力。上周四（十日），脹爆了廿磅的她現身銅鑼灣，青春可人，愛美神飛彈更因谷奶而進一步升級，一臉幸福的她還透露孖女近況，說︰「兩個女都重咗好多。」

上周四（十日）晚八時許，暴重廿磅的黎姿，現身銅鑼灣，但否認懷孕。

比起生產前，GiGi發福不少，上圍豐滿，更現幸福雙下巴。

高度戒備

去年七月誕下孖女的黎姿，大細孖家蔚和家鎂出生時分別重六磅多和三磅多，但細孖因過輕而一度留院瞓氧氣箱，直至九月體重回升至五磅多才獲出院。

今時今日孖女至上的她，早前有報道指細孖體質和抵抗力較弱，為怕細孖受感染，她不帶細孖外出，連孖B打預防針，也由醫生上門；另又謝絕親友拜訪，至於其父母上門，也要分批限定人數，連原定假四季酒店大排筵席搞孖B的百日宴，亦因而取消。

為了孖B健康，黎姿出盡法寶，家庭衞生更做到足，一日消毒三次，又日換BB牀單和被鋪。

加上信主後的她，感恩孖B是「神送給她最寶貴的兩份禮物」，上年十一月感恩節更秘密帶孖B參加教會「嬰孩奉獻禮」，又定期返教會做崇拜祈禱，保佑孖女平安健康。

當日下午四時許，黎姿和助手一同返醫務所，沿途不斷傳短訊。

黎姿初見記者都十分緊張，不時避鏡頭。

臨上醫務所的黎姿，急不及待致電返家問孖女情況。

黎姿出入的七人車，車尾更貼上BB標籤，大晒幸福。