徐淑敏（ Suki）去年為老公黃浩（ Kenny）誕下女兒黃心瑤（ Vianna），由咪神升呢變靚媽的她近日又努力再追仔。 Suki錫到囡囡 Vianna燶，不過女兒卻視媽咪為情敵，每次看見 Suki的手與爹哋 Kenny黐到實， Vianna都醋意十足，伸手撥開媽咪，要獨霸爸爸，難怪 Suki笑言深信女兒是爸爸前世情人傳說。


其他娛樂名人影片

徐淑敏前年奉子成婚，去年 3月為丈夫黃浩誕下囡囡黃心瑤，小 B女下月中便 1歲，雙親打算替她舉行生日派對，讓她留下快樂回憶。一家三口日前更往 Essence Studio影樓拍攝了家庭照，大晒溫馨。

放大圖片
雖然女兒跟媽媽爭寵，但徐淑敏仍十分愛錫囡囡。

雖然女兒跟媽媽爭寵，但徐淑敏仍十分愛錫囡囡。

放大圖片
一家三口日前專誠往影樓拍攝家庭照， Vianna更扮成虎 BB。

一家三口日前專誠往影樓拍攝家庭照， Vianna更扮成虎 BB。

不設防盼添丁

Suki為肖虎的 Vianna打扮成虎 B出鏡，一家之主的爸爸 Kenny擁妻女在懷中，臉上掛着幸福滿瀉的笑靨，其後 Suki又換了紅色背心裙，逗玩着笑到見牙唔見眼的 Vianna，全家笑得像餅印。將滿 1歲的 Vianna不但牙牙學語，還開始學行，愛笑的她更是 Kenny的甜心寶貝， Suki日前爆料說：「 Vianna好黐爹哋，有時我隻手搭住老公，囡囡都會撥開我隻手，佢會呷醋，好似變咗我情敵咁，唔怪得人話囡囡係爸爸前世女朋友。」 Suki現在已不設防造人，希望為 Vianna添個弟弟，湊個好字。

老公努力搵錢

Kenny近日忙於經營兩間餐廳，分身乏術，但仍會家庭為重，有時間便陪妻女，他日前在電話中說：「囡囡真係好嗲，佢有時黐我，有時黐媽咪，不過我無分彼此，老婆同囡囡一樣咁錫。」 Kenny正頭痕如何安排 Vianna的 1歲生日，他說：「其實家每個月 15號都會同佢慶祝，直至 1歲就一年慶祝一次，不過 1歲生日都會有個生日會，等佢留下美好回憶。」有女萬事足的 Kenny搏命銀讓妻女過優質生活，他說：「我對 Vianna冇好大期望，只係想佢可以健康開心，孝順父母。」採訪：比華利


徐淑敏的女兒 Vianna下月便滿一歲，屆時還會大搞生日派對。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄