唔夠一個禮拜，首部 PS認證手機—— Xperia Play已旋風式抵達北京！與早前 MWC相比，今次除咗任傳媒試玩，更將手機接駁 HDMI，透過大電視嘅遙控示範，喺屋企打機睇片！同時索愛亦正式公佈 14間遊戲開發商名單，若然早就心思思想出機，又點可以唔知有乜玩呢？記者、攝影：陳國輝
14間遊戲廠商 歐美為主 放大圖片 
推出日期： 4月份售價：未定
Xperia Play會同邊間遊戲廠合作？係機迷最關心問題！索愛公佈共 14間已簽約嘅公司，大家最熟悉嘅包括有 SCE、 EA、 GLU、 Gameloft以及 Namco Bandai Networks等。但留意遊戲生產商主要以歐美公司為主，至於本港 Fans最熱愛嘅 SQUARE ENIX、 Capcom同埋 Koei都不在名單內。除咗已知嘅十幾款 PS One移植遊戲，官方仲會將舊有嘅 Android遊戲，改成 Xperia Play專用版，即可透過手機獨有按鍵，例如圓形 TouchPad、 LR等掣嚟玩，現時遊戲已知有五十幾款，據稱會陸續增加。
放大圖片 
1.職員示範用電視 Remote去操作 Xperia Play。
放大圖片 
2.用咁大個畫面嚟睇相，夠晒清楚喇！
放大圖片 
3.試用全屏玩賽車，效果同手機一樣流暢。
放大圖片 
4.畫面唔算好細膩，黑白位稍欠 Details。
屋企遙控操作 打機最掂 放大圖片 
■遊戲大多熟口熟面，如《 Guitar Hero 6》。
可能你會諗，既然 Xperia Play屏幕只有 854× 480，就算經 HDMI輸出至巨型大電視，畫面就算無 Delay，都靚極有限啦？咁諗就錯晒！北京記招上試播一段《 Final Fantasy》動畫，勁流暢、無窒格、非常強！畫質係咪達到 1080p咁勁？小記都有所懷疑，皆因色澤、線條方面唔算非常細緻、硬朗；但值得一讚係駁上高清電視後，手機即變成手掣，而且電視畫面放大至 Full Screen來玩亦唔覺窒格，用嚟玩賽車 Game等講求速度嘅遊戲，可謂絕對適合。
放大圖片 
■專用遊戲要經 Playstation Pocket下載。
官方仲話，駁上大電視後，都唔一定要搵番手機操作，佢話 09年後生產嘅任何牌子高清電視，只要有 HDMI，就可直接用 Remote來控制，係又幾強呀！
Details Snap 放大圖片 
■ L、 R掣符合 PS手掣嘅設計。
放大圖片 
■ HDMI駁電視，睇相、打機瓣瓣掂。
放大圖片 
■拆走機蓋可插卡，支援 32GB microSD。
Xperia家族成員Arc夠薄身貼面 放大圖片 
推出日期： 3月份售價：未定
8.7mm激薄！見到實機比像想中更薄！屏幕闊度勁上 4.2"，搭 Sony自家 Mobile Bravia Engine圖像引擎以及 Reality Display，個芒 Sharp到有啲離譜！
Neo影暗位拿手 放大圖片 
推出日期： 3月份售價：未定
望落勁似 Xperia Play，只係無咗滑趟式遊戲鍵咁解，所以機身更薄！支援 810萬像素鏡頭、 720p攝錄，配備 Sony力撐 Exmor R影像感應器，低光環境下拍攝，畫質特佳。
Pro扮 Outlook睇電郵 放大圖片 
推出日期：第二季售價：未定
Pro主打商務用家，機身有個 QWERTY鍵盤，並內置一個全新設計嘅電郵介面，左邊 Check Mail，右邊就瀏覽回覆郵件，個款十足十玩緊 Outlook。
Profile
系統： Android 2.3顏色：黑、白處理器： 1GHz Scorpion ARMv7制式： WCDMA/GSM四頻體積： 119× 62× 16mm重量： 175g屏幕： 4" FWVGA芒通話時間： 385- 505分鐘遊戲時間： 335分鐘主要功能： Playstsation Pocket、 510萬像素相機、 Android Market、 HDMI輸出、內置 8GB、支援 32GB microSD 
留言列表
