媽咪姐手帳

挾住林峯堂妹稱號殺入TVB嘅林夏薇，簽約冇耐，已經有得拍住一班前輩合作新處境劇《結．分@謊情式》，做謝雪心個女，上星期六（24日）喺尖沙嘴一間婚紗舖開工大吉。正所謂朝中有人好辦事，首日拍外景嘅佢，有禦用工作人員當助手執頭執尾，又有導演細心指導兼傍出傍入，待遇明顯係「特等」，好過一班捱足多年先上到二線嘅姐仔多多聲！



着住婚紗嘅林夏薇當然笑到四萬咁口，反之經歷多次情傷、啱啱又愛錯賤男嘅滕麗名，着上婚紗拍攝時，就明顯無半點興奮。編劇咁大整蠱，又難怪兩女首次合作會完全零交流嘅。 ####



記住我堂哥係「Chok神」呀！（設計對白）

堂妹一出，港姐冠軍張嘉兒都要企埋一邊！導演（右）笑曬口，親自教戲，林小姐繑埋手，等做女主角。



成班記者等林小姐收工，導演（左圖）即刻上前護駕。然後由工作人員（右圖）傍住離開，公主出巡一樣。





女人要自強！無後台又無愛情嘅滕滕，唔得閒奉承堂妹，挺起胸膛開工，但佢成個人瘦曬，婚紗都唔啱身，要成日拉住條裙。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄