背台灣辣妹　叢培崑溝有米莊思敏忽然1周 844期 @ 明星靚相大分享☆

娛一叮

擾攘了年半的陳志雲涉貪案，以為上月初判決完畢，點知律政司隨即決定上訴翻案。

叢培崑在打官司期間，其台灣女友李妍瑾，一直在背後默默支持，不過擅長把握機會的叢培崑，原來暗地裏向身邊的有米朋友埋手。近日他就吼中大馬拿督女、剛宣布和吳浩康分手的莊思敏。上周六（24日）本刊就拍得叢背住女友密會莊思敏，更細心地陪對方揀選化妝品。

自從去年陳志雲和叢培崑被廉署落案起訴後，二人的關係幾近水火不容，叢培崑亦索性不再掩藏性向，半年前搭上26歲台灣女藝人李妍瑾。居於台灣的李妍瑾始終不肯為叢培崑放棄其演藝事業，所以二人拍拖以來一直聚少離多。

刻意打扮赴會

既然冇王管，叢培崑近日就背住女友暗溝莊思敏，「佢（叢培崑）幾年前喺TVB嘅音樂節目認識吳浩康，當時阿Deep（吳浩康洋名）仲同莊思敏拍緊拖，於是叢培崑順理成章透過阿Deep識到莊思敏。但叢培崑唔會私下約莊思敏食飯，永遠都係三個人。」不過自從莊思敏8月宣布與吳浩康五年情玩完後，叢培崑即向莊思敏發動攻勢，「佢成日都send SMS約莊思敏出街，仲同莊思敏講，怕悶嘅話，不妨考慮下咁喎！」上周六（24日），記者就撞破叢培崑與莊思敏在尖沙嘴海港城shopping。叢的打扮十分出眾，黑色低襠褲再襯彩間leggings，明顯因為莊思敏平日的打扮而去刻意改變造型。莊思敏先提議去附近選購化妝品，叢培崑全程陪伴在側，有時更給予意見，非常體貼，之後再到Dan Ryan's食飯談心。

莊：唔抗拒任何人追求

今年31歲的莊思敏，早前撇甩吳浩康不夠一個月就自爆有人追，她說：「有位圈外人追咗我一段時間，但我最近好忙，暫時同佢只係好朋友階段。」由於莊思敏父親是大馬拿督，身家億億聲，假若叢培崑今次成功得米，日後絕對有實力再為官司打持久戰。

周二（27日）記者致電莊思敏，她承認與叢培崑單獨飯敍，她說：「都係朋友見吓面啫！其實佢冇事之後都有話出嚟食飯，只係大家時間比較難就。佢對人好好㗎，絕對唔會因為我嘅經濟狀況而同我做朋友囉。呢一刻我仲係單身，不過我唔抗拒任何人追求囉！」至於身為叢培崑好友的吳浩康就坦言對此事全不知情，他說：「我同莊思敏好早就識阿Ed（叢之洋名），我唔知佢哋私底下會見面呀，但我諗都係普通食吓飯啫！我唔會覺得阿Ed想追佢。」

叢培崑襟撈

警員出身的叢培崑，當年憑住6呎身高和青靚白淨天賦條件，短短一兩年就成為陳志雲身邊的得力助手。叢的交際頭腦亦甚了得，會視乎身邊好友的愛好而投其所好，叻仔又識撈，難怪他亦如此輕易成為拿督女莊思敏的裙下之臣。

冧老細

07年開始叢培崑成為比他大廿三歲的陳志雲身邊的得力助手，亦有「靚仔助手」之稱。當時叢與陳總孖公仔外出時的衣着打扮亦襯到絕。他識得老細，又計仔多多，有傳他很快就將陳總身邊另一位助手踢走。

豪放船河

之後撈埋公關的叢培崑，更加識撈，要幾放有幾放，與好友上船亦不介意一齊玩到癲，故此結交了不少女性好友。

孖住平民look

去年叢培崑與一平民look打扮的女友在尖沙嘴行街shopping，其白衫吊腳褲的街坊裝打扮，與對方亦如出一轍。 ####

現年29歲的叢培崑，因老友吳浩康而認識莊思敏，而上周六（24日），叢竟然單獨約莊思敏到尖沙嘴海運大廈shopping。單看二人高度，相當匹配。

陪揀化妝品

其間，莊思敏在化妝部逗留近廿分鐘選購化妝品，叢培崑一直不介意守候在旁，莊亦不時問對方意見。