明星靚相大分享☆

媽咪姐手帳

09年拍住洪金寶、吳建豪拍過《功夫廚神》嘅前日本Morning娘成員加護亞依，上星期俾人發現喺屋企又割脈又服藥雙料自殺。好彩發現得早，佢瞓咗兩日醫院，早兩日已經出咗院。

 

據講佢今次之所以搞到雙料自殺，完全係俾佢個阿叔男友、44歲嘅安藤陽彥拖累。因為同黑幫山口組有密切關係嘅安藤最近涉嫌恐嚇，而加護就被指為幫兇，俾警察「的」咗返差館。已經冇乜形象可言嘅佢，因為咁，形象更直插穀底。其實近幾年，加護嘅負面新聞源源不絕，曾經拍過半裸寫真，可惜都冇辦法挽回人氣。

09年因為同已婚大茄水元秀二郎（左下圖）不倫戀，俾水元老婆逼賠償約港幣80多萬；11年，又俾44歲黑幫男友安藤陽彥（右下圖）拖累，形象全毀而自殺。加護真係俾佬累死。 ####

早前加護為求翻身，拍咗輯半裸寫真，可惜fans唔捧場，翻身無望。台灣圖片

當年拍《功夫廚神》除有洪金寶同吳建豪外，亦有應采兒（右）。《蘋果日報》圖片

今時今日嘅加護（左下圖），24歲似40歲，同當年走活潑路線嘅加護比，簡直判若兩人。

台灣圖片

媽咪姐幾時都話，女仔千祈唔好行錯第一步，唔係以後想翻身都好難㗎﹗