媽咪姐手帳

做歌手始終係聲靚最緊要！好似吳雨霏（Kary）咁，當年仲喺組合Cookies嗰陣，根本冇人睇好佢，但就因為佢把聲都算唔錯，又算唱得，卒之俾佢跑出，可以喺紅館開個唱之餘，啱啱仲賣身俾環球唱片呢間國際公司㖭！



不過唔知係咪呢個原因，Kary嘅五官都愈變愈國際化。最明顯係鼻頭，初出道嘅佢，擺明係圓潤旺夫鼻，近年竟然離奇收窄，而鼻樑亦變高再發育。周日（25日）佢現身亞視錄影嗰陣，染埋金毛兼搽咗紅色唇膏，個樣竟然同李玟有九成似囉。李玟下個月就嫁人擺酒，大可邀請Kary呢位「失散阿妹」，喺玩新郎環節俾新郎哥「認吓」，娛樂性都應該幾高喎。 ####



我大咗又靚咗！（設計對白）



吳雨霏嘅額頭、面形、鼻同嘴，好似向李玟（Co Co）「致敬」一樣，加上金髮同化妝，哎吔！媽咪姐怕Co Co個富商未婚夫Bruce都會認錯喎。《蘋果日報》圖片



02年，Kary初出道，豬膽鼻形好易認。依家？回憶在心中。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄