明星靚相大分享☆

媽咪姐手帳

香港近日天氣開始有秋意，夜晚涼浸浸，但大陸天氣仍然熱辣辣。天時暑熱，一班港星仲要拍古裝劇，真係有苦自己知。好在佢哋識苦中作樂，仲喺微博分享消暑心得，各師各法對抗頑強熱浪。

擋太陽濕身

除衫攬冰

####

食西瓜解暑

雖然做足防曬措施，但酷熱實在難當，阿澤好大方買西瓜請大家食，仲作咗首詩，合曬意境。

同劇嘅張晉一邊食住阿澤嘅西瓜，一邊打iPhone，唔知係咪同老婆蔡少芬傾緊偈呢？

勁搽防曬

喺戶外工作，有時無遮無蔭，隨時曬傷，有此經驗嘅杜汶澤就出動100度防曬乳液，挑戰曬傷極限。

薛凱琪熱到面容扭曲，連淑女形象都放埋一邊，以強國人半踎姿態嘆西瓜。

方力申雖然大男人一個，但好鬼姿整，除咗買咗張有頂嘅開工櫈，更自備髮夾，紮高頭髮特別涼快。

女友鄧麗欣都正喺大陸拍劇，好在佢大熱天時適逢拍着落雨戲，由頭爽到落腳，舒服曬。

苑瓊丹攬住一大嚿冰仲吹住大風扇，爽到連飯都可以唔食。

同劇嘅劉玉翠同趙學而（圖左）冇冰攬，惟有除衫。一個除剩背心，一個只着短褲，實行賣肉益街坊。

劉玉翠