富貴 TB 轉追憶蓮　陳玉蓮甩拖住舊樓忽然1周 844期 @ 明星靚相大分享☆

娛一叮

小龍女身邊，應該有個癡心情長劍楊過共度一生。不過小龍女陳玉蓮，現實卻是情路坎坷，失婚、錯愛後，中年轉channel與富貴TB導演蔡美詩同居，可惜同居7年最終分手收場。

近日蔡美詩不惜工本，花百萬為新獵物林憶蓮拍攝MV外，更租住赤柱環角道排屋近水樓台。憶蓮開個唱，蔡秘密捧場後，兩人更在後台連體嬰風騷合照。

新歡憶蓮一臉春風，反觀舊愛陳玉蓮卻形單隻影，不但行為變得神經質，更由昔日千多萬的西貢獨立屋，搬到屯門的舊樓居住，孤零零獨自生活。

昔日傾倒眾生的小龍女陳玉蓮，不但令劉華差點戲假情真，周潤發亦曾為她自殺，可惜92年她與老公陳超武離婚後，與賈思樂一段情又無疾而終，令他對男人失去信心。

98年在蔡美詩力追下，兩人不但齊齊開了三間公司，包括「利志發展有限公司」、「CMS Filmworks Ltd」及「實在制作有限公司」，並以公司名義，以920萬買入西貢一幢別墅共賦同居。不過，05年兩人分手時，陳玉蓮不但三間公司全數退股，更將兩人持有的物業以1,150萬賣出，劃清界線。

「呢段情令到蓮妹好傷，分手初期佢變得自閉，唔肯見朋友，成日匿埋喺屋企。後來有朋友見佢咁唔開心，就勸佢去佛堂聽佛偈，佢亦因為咁信咗佛，依家四出做義工。佢好有愛心，仲助養咗幾個內地嘅孤兒㖭！」知情者說。

其實，退出娛圈多年的蓮妹，一直只靠積蓄度日。近年她醉心佛學，人變得無慾無求，生活亦愈來愈簡樸。年初，她搬到屯門樓齡有21年的彩暉花園居住，月租只需8千元左右。

兜路至淩晨

6月5日下午三時許，蓮妹出席完慈善活動後，便與女性友人及兩個舉辦活動人員，到九龍塘coffee shop，商討未來大計，談足三小時才離開。當日所見，蓮妹仍是駕着蔡美詩99年買的Toyota房車，認真長情。

黃昏六時許，蓮妹與友人告別後，一個人漫無目的，在街上遊逛了個多小時，再駕車在上水附近一帶不停兜來兜去，曾試過在迴旋處連兜了五個圈。之後突然把車停在路旁，開車尾箱執嘢達十多分鐘，然後再駕車返家，行徑十分古怪。

看破紅塵出家

其實，當年與蔡美詩同居後，蓮妹備受一定壓力，出入變得小心，但經歷了多段感情創傷後，她5年前毅然出家（帶髮修行）了。就連07年重返無綫拍《盜亦有道》，亦先向無綫約法三章，話明唔拍性感、接吻及談情戲，可見她真是想做到「色即是空」的境界。

知情者話︰「同蔡美詩分手後，蓮妹唔再奢望會有長久嘅愛情，佢話自己已經心如止水，所以06年跟咗師父學佛，更試過去寺廟帶髮修行。」09年，她接受傳媒訪問時，亦坦言自己已出家，並說︰「我的感情生活就是修行中……我看佛經、《聖經》及《老子》，跟隨智慧而行。」

揼百萬拍MV

近日，林憶蓮被陳玉蓮舊愛蔡美詩狂追，緋聞鬧得熱哄哄，兩人更被周刊拍到遊船河兼燭光晚餐。今年年初，蔡美詩幫憶蓮拍MV，乘機親近，適逢當時憶蓮與細她11年的恭碩良又剛分手，蔡於是順利攝位，埋身關心對方。林憶蓮獲富貴TB密友支持，到冰島及巴黎拍攝兩首MV。而蔡美詩為了追憶蓮，更介紹憶蓮租住赤柱環角道排屋，兩人更租埋情侶車位，關係密切不言而喻。

陳玉蓮 VS 林憶蓮

一個視壇蓮妹，一個樂壇蓮妹，雙蓮在愛情路上都荊棘滿途。論身材及皮膚，後生5年的憶蓮較省鏡，陳玉蓮則明顯有點中年發福。

情路　陳玉蓮

周潤發

78年開始與周潤發苦戀5年，並已到談婚論嫁階段，但遭發媽反對，發仔更為她自殺。

陳超武

82年認識大西洋城賭場高層陳超武，84年在紐約結婚，可惜婚姻只維持8年，92年離婚。

劉德華

劉華當年與蓮妹合作《神鵰俠侶》，坦言曾單戀蓮妹。

賈思樂

95年傳與賈思樂拍拖，一度傳出兩人婚訊，蓮妹馬上否認。

蔡美詩

與賈思樂傳分手，之後被爆與導演TB蔡美詩同居，其間Maisy曾被傳媒拍到與女伴當街親嘴，05年分手。

情路　林憶蓮

馮鏡輝

84年與在商台負責訓練憶蓮的陳輝虹互生好感，但始終沒有開始。兩年後與唱片監製馮鏡輝拍拖，戀情短短9個月分手。

許願

87年與唱片監製兼形象顧問許願拍拖，更共同成立星工廠唱片公司，91年分手。

李宗盛

93年介入李宗盛與朱衛茵的婚姻，97年李宗盛離婚，98年兩人在溫哥華註冊結婚，同年五月誕下女兒李喜兒，04年離婚收場。

陳輝虹

04年回復單身，與Puppy Love陳輝虹再續前緣，但一年後玩完。

恭碩良

去年2月，憶蓮在上海開個唱與恭碩良合作，未幾即暗擦戀火，可惜戀情只維持9個月。對於憶蓮及TB的緋聞，恭碩良透過唱片公司表示唔回應。

TB細心攝位

「憶蓮同Jun（恭碩良）呢段情快嚟快去，憶蓮好欣賞Jun嘅音樂才華。但佢兩個始終年齡相差太遠，拍咗幾個月散拖，相處過發現溝通唔到，憶蓮嫌對方唔係好成熟，所以就決定做番朋友。憶蓮不嬲EQ好高，佢以前同許願都係咁。」知情者說。

「Maisy（蔡美詩）對女仔好細心，佢好遷就憶蓮，好似年初憶蓮拍兩隻歌嘅MV，班底係行內最好嘅，仲要去到冰島同巴黎拍，製作費分分鐘過百萬，咁落本嘅MV，香港天王天後都未必有咁多budget。憶蓮好感激佢，由初時抗拒變慢慢接受囉！」

冇仔埋身，有個觀音兵都唔錯。對於這段同性關係，憶蓮欲拒還迎。9月16日，她為演唱會綵排時，被問到與富貴TB關係時，她澄清說︰「佢（蔡美詩）係鄰居同好朋友！」不過問到會唔會愛上同性，憶蓮甚有保留話︰「冇咁樣分，我都有同性及異性朋友，每個人取向都尊重，唔會歧視同戴有色眼鏡。」

其實，與陳玉蓮一樣經歷過失婚之痛的憶蓮，應該睇定啲。咪以為男人信唔過，女人都會話變就變嘅。

富貴TB起底

####

與眾人分別後，蓮妹獨自在附近閒逛，其間一直緊閉雙唇，似是心事重重。

5月5日，陳玉蓮出席《鯉魚報平安》關愛籌款活動時，席間話自己因為做義工，冇時間做宣傳，錯失拍劇及拍廣告機會。