明星靚相大分享☆

媽咪姐手帳

何家淑女又出動！上星期六（24日）何超盈廿一歲生日，呢期佢最紅！講真吖，媽咪姐一直覺得佢都算聽教聽話，無話搞風搞雨搞是非，生日都晨早起身，扮靚靚同賭王四太食生日午飯，仲將合照立即放上微博，高呼好幸福！

 

但係咁，超盈畢竟都係後生女，陪父母食完飯，就急急腳搭船過澳門Hard Rock Hotel，同大班friend搞pool party狂歡。壽星女上演「制服誘惑」，一班朋友仔就瘋狂舉牌影相，放上微博，睇到我嘩嘩聲！媽咪姐都young過嘅，明白後生女係貪玩啲，只係有粗口字眼嘅道具呢，都係咪放上網嘞。話曬淑女嚟㗎嘛。 ####

超盈同父母去中國會食生日午飯，溫馨滿分。夜晚，扮警花同何超瓊契女曾昭怡（下圖左）喺「犯人牌」前影相，仲話好掛住遠在法國嘅好友陳柏熹（Moiselle太子爺），有情又有義。

豪門party，有巨型蛋糕、特製布景板同大量公仔！

林建嶽個女林心兒係超盈嘅best friend，佢唔去新加坡睇F1賽車，特登去澳門同好姊妹慶祝生日。嘴對嘴又池畔留倩影，好high！