媽咪姐手帳

過氣名模馬詩慧並非浪得虛名，雖然生咗三個，但副bodykeep得好好，最近仲「出山」幫雜誌做模特兒影相，一啲都唔輸蝕俾班模。

 

不過上個星期，媽咪姐就見到馬詩慧戴住副老花眼鏡入跑馬地滙豐銀行，離開時仲瞇曬眼睇帳單，林亞珍上身！但行咗幾步之後，佢即刻醒目換番副黑超，先去會合老公王敏德同細仔躍穎。跟住日理萬機嘅王太，又行返去㩒櫃員機check數兼攞錢。錢喎！佢「嗱嗱聲」又戴番副老花鏡實個熒幕。㩒完機，轉身，又黑超上頭嘞！整個變身動作完美無瑕，變完仲可以再變。歲月催人，但名模始終係名模，媽咪姐服咯！ ####



Hi！我係林亞珍！（設計對白）



我變

去完銀行處理財務，馬詩慧戴住副老花眼鏡步出，瞇曬眼嘅佢，似足林亞珍，但到對面馬路有鏡頭對準自己，馬詩慧即時換番副黑超，型曬！



搞完正經嘢，會合老公王敏德同囝囝，分秒必爭。



我再變



做咗阿太，真係特別多嘢搞，戴副老花鏡去㩒機，然後又換番副黑超。兩秒間，阿太變名模，得咗！

 

arrow
arrow
    全站熱搜

    stacylife 發表在 痞客邦 留言(1) 人氣()

    E-mail轉寄