媽咪姐手帳

媽咪姐逢禮拜日晚，最鍾意喺屋企睇電視hea吓。好似新一輯《為食總司令》，有嘢食有靚女主持，本來都唔錯，不過好多網友都唔多滿意主持之一陳庭欣嘅表現，仲專登喺TVB討論區開post，內容大概投訴佢講嘢唔用腦、食相似餓鬼。

 

持平啲講，陳庭欣唔係訓練班出身，表現不濟都情有可原，不過佢照稿讀唔經大腦就唔能夠原諒。事關上一集介紹馬來西亞一間木炭廠，陳庭欣將撰稿員寫錯嘅「長備炭」（應該係備長炭）不加思索照讀。大佬，日本備長炭出名成咁都讀錯，好心佢返工前做定功課先啦！ ####



幟哥同黃士心交流心得時，陳庭欣明顯夢遊中。陳庭欣讀錯，抵插。不過連字幕都將備長炭寫成長備炭，睇嚟製作部都要檢討吓。





喺TVB官方網「科林」中，網友撐幟哥專業，高Ling可愛，楊秀惠斯文，但完全冇半句係讚賞陳庭欣囉！



 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄